Shillong, April 6: Re•anggipa April-ni 3 tariko, New Shillong-ni Mawdiangdiang-o donggipa guest house-ni nokgipako aro guest house-o dongenggipa tourist-rangko ka•mikkenatanio jak donggipa mande sakgittamko Bristibar salo, East Khasi Hills a•jani police-rang rim•aha.

Police-rangni koborko on•ani gitade, rim•ako man•gipa mande sakgittamara, Hynniewtrep Achik National Movement (HANM)-ni membor-rang ong•achim.

April-ni 3 tariko ong•anggipa obostani gimin talataniko on•angengon, April-ni 3 tarik pring 9:00 bajimango HANM-ni adita sak membor-rang, Mawdiangdiang-o donggipa Miracle Spring View Guest House-ona re•angenba, ia guest house-o dongenggipa tourist-rangko aro guest house-ni nokgipakoba ka•mikkenataha ine police-rang parakataha.

Iakoba poraie nina man·gen: Vishva Hindu Parishad-ni Palm Sunday-ni salo re•jomaniko KSU jegala