Jowai, Jan 22: Health and Family Welfare Minister Wailadmi Shylla, Ialong-ni Jowai Civil Hospital-o Health ATM Machine baksana konta 24-na kuligipa MHIS Pharmacy-ko oprake on·angaha, jeon Health and Family Welfare-ni Director Dr. J. Momin, West Jaintia Hills-ni Deputy Commissioner Abhinav Kumar Singh, IAS, District Medical and Health Officer (DMHO) Dr. P. Shylla, Medical Superintendent Dr. W. Lakiang baksana doctor-rang aro nursing staff-rangba dongpae bak ra·angpaaha.
CM-Catalytic Fund-ni ning·o ra·bagipa ia gong 3.8 lakh-ni Health ATM-o BP, Blood Suger, temperature, ECG, SpO₂, haemoglobin baksana chu·gimik ming 60 porikka ka·e nianirangko dakna man·gen. Ia Health ATM Machine-ko ra·baaniara sabisiko rim·ani korosrangko komiatenba manderangni tangka bon·gniko jokatgen ine Deputy Commissioner Abhinav Kumar u·iataha.
Dr. W. Lakiang, ia machine-ko chalaina sapgipa sakgni nurse-rangko rakkianichi staff-ni kamrangkoba komiatgen ineba janapataha.
Wailadmiki Shylla, ia Health ATM minute 10-ni gisepon porikka ka·ani report-rangko man·a dakchakenba, sagiparangni tangka paisarang bon·gniko champengna dakchakgen ineba aganangaha. Indake ong·engon, ua manderangko machine-osan pangchakaigija doctor-rangni ku·pattianikoba ra·china ku·pattiataha. Ia machine jakkalaniko name nirok sandianiko dakanggen aro bebe gita ia name kam ka·genchimode, ia apsandakgipa machine-rangko CHC-rang aro PHC-rangoba don·gen ineba ua agandapangkuaha. Una agreba ua konta 24-na kuligipa pharmacy-ko a·bachengatna man·anina kusi ong·aniko parakataha, maina ian a·doko sorkarini hospital-rango konta 24-na kuligipa pharmacy-rangoni 2-gipa ong·enga.
Ia apsan salon, Ialong-o gong lakh 55.50-ni aro Sabahmuswang-o gong lakh 55.05-ni gital Health Sub-Centre-rangko rikna gita work order kam ka·na on·ani lekkarangko pakwate on·angaha. Health Minister, West aro East Jaintia Hills-o an·o donggipa ma·giparang aro bi·sa bakgitchakrangni siani komiahanina sana bananiko on·gipa dolrangko de·mitelataha.
Na·simang iakoba nina man·gen:
Na·simang iakoba poraina man·gen: ANTF, sakbonga manderangko drugs baksa rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
