Shillong, Jan 22: Santosh Trophy 2025-26-ni Senior Men’s National Football Championship susaani final round-ko Assam a·dokni Silapathar-o Meghalaya aro Odisha dolni gisepo susaangaha aro 1-0 golko man·enba Meghalaya dol chegipa ong·aha.
Ia susaanio dolgnini gisepon bil·tanggrike susagrikangaha, indiba Meghalaya doloni Babysunday Marngar, 23 minute mang ong·o gol 1-ko chipenba doltangna cheaniko on·aha.
Meghalaya dol, coach Khlain Pyrkhat Syiemlieh-ni dilanichi aro defender Mebankhraw Wahlang dolni captain ong·e krenge kal·dilanichi, Odisha-ko amatna man·aha.
Meghalaya doloni Deibormame Tongper, 13 minute ong·on gol chipna jotton ka·ahachim, indake ong·genchimoba dol gipinni defender rake tinggalsoaha, indake 23 minute-o rasonggnangbee Babysunday gol 1-ko chipna man·aha.
Odisha dolba krengbate kal·genchimoba aro free-kick-ko tingna bang·en cholrangko man·genchimiba somoi ong·onaba golsaba chipna man·jaha.
Indake, re·baenggipa Sonibar salni 2:00 bajio, Meghalaya aro Punjab-ni gisepo Dhakuakhana-o susagrikanggen.
Na·simang iakoba nina man·gen:
Na·simang iakoba poraina man·gen: ANTF, sakbonga manderangko drugs baksa rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
