Guwahati, Jan 22: India-ni Salgro Salaram-o rang•gitik saa-ding•ani somoirango sanna-banani cholrangko namdapatna krengengon, Bristibar salo Indian Council of Medical Research (ICMR) Assam sorkarina ge•gni Mobile Stroke Unit-rangko on•ataha. Indake dakanichi, diltugipa, ga•nanggijagipa, rama namgijagipa songrango stroke ong•e sagiparangko jokatna aro sanna-bananiko namdapatna ka•dongenga.
Uandake, sagiparangko hspital-rangona sokna skele rimangaoni, hospital-rang sagipa manderangni nokrangona sokangskana man•gnok.
Ia cholko ra•baanichi Assam-o sagiparangko signioniko jokatna man•aniko mesoksoenga aro stroke ong•gipa mandeko hospital-ona rimbae sanna-bananiko dakna skang simsakaniko on•anio a•song gimikna tangmesokgipa ba national model ong•na ama ine health official-rang parakataha.
Mobile stroke unit-rangko emergency medical service-rang baksa on•e songrango acute ischemic stroke man•giparangko sanna-bananirangko dakaniko chu•sokatanio Germany-ni ja•man India a•songan gnigipa biapo ong•enga ine ICMR-ni Secretary aro Director General Dr Rajiv Bahl parakataha.
“Mobile Stroke Unit-rangko gipin a•songrango tarichengaha aro jakkale nichengaha. India-o ia cholko a•songni ga•nangbatgijagipa biap, Salgro Salaram-o jakkale nichengaha, uandake diltugipa songrangoba stroke-na namgipa gadango sanna-bananiko on•na man•a ine mesoka,” ine Dr Bahl talatangaha.
ICMR data-ko nie niani gitade, Assam-o MSU-rangko ra•baanichi stroke ong•ako sanna sengani somoi konta 24-oni konta gni-mangona tang•onaha, ian stroke ong•ani somoio million 1.9 taning-ni cell-rangni nosto ong•anio namen nanggipa namdapaniko ra•baa ine nikna man•enga. Ia model-ko ra•gatanichi stroke man•giparangni sianio sakgnioni saksani gitade jokatna man•aha aro sanna-bananiko man•giparangoniko ru•ute sae dongaoniko chang-chetmang komiatna man•aha ine official-rang parakataha.
India-o siani aro bilgrie sae donganio, stroke-an mingsa mongsonggipa sabisi ong•a aro India-ni Salgro Salaram-ara ga•nanggijagipa, sokna ru•ute somoi nanggipa aro dingtangmancha sanna-bananani nambata gadang donggijani a•sel bang•bate neng•nikanirangko man•a.
Mobile Stroke Unit ge•prakan chakka gnanggipa hospital gita chacha pilak cholrangko chu•gimik gnange kam ka•a aro uno CT scanner, point-of-care laboratory, an•chi jrongatgipa samrang aro nangmiting somoi neurologist-rang baksa agangrikna teleconsultation donga. Iako dakanichi stroke-ni rokomko u•ina docto-rangna dakchaka aro nangchongmotgipa somoio sagipa mandeni noko ba uni sepango sanna-bananiko a•bachengatna cholko on•a.
Stroke sagiparangna simsakani cholrangko bilakbatatna, ICMR Assam Medical College and Hospital, Dibrugarh-o neurologist gnanggipa stroke unit-ko a•bachengataha, aro Tezpur Medical College Hospital aro Baptist Christian Hospital, Tezpur-oba doctor gnang stroke unit-rangko a•bachengataha. Hospital-ona sokna skang sannaniko dakanio MSU-rangko on•chapaha, unbaksana 108 emergency ambulance service-ko 100-km wilwilao donggipa biaprangona kingking on•enga.
“Ia cholko ra•baanichi Assam-o sagitikani somoio sanna-banani cholko namdapata. Chingni ICMR baksa bakrimanichi ta•rakbate sanna-banani, kam ka•ani aro nambata biterangko man•aniko nikna man•aha. Ia cholko mananichi signioniko jokatna kam ka•anina bilakgipa pangchakaniko on•a,” ine Assam-ni Secretary and Commissioner of Health and Family Welfare , P. Ashok Babu parakataha.
2021 aro August 2024-ni gisepo, MSU-rang ge 2,300 sagitikgipa obostarangna dakchakaniko on•aha. Skie ra•gimin nurse-rang sak 294 stroke ine chanchichipgipa saanirangko niaha aro 90 per cent-mang sagiparangko uamangni nokrangon sannaniko dakaha, ine official-rang aganangaha.
ICMR-ni Assam sorkarina ia mobile stroke unit-rangko pakwate on•anio ma•mong aro a•dokni dal•dalgipa official-rang aro ICMR-ni dilgiparang dongpaaha.
Assam-o iandakgipa cholko ra•baanichi technology-ko jakkale, songni-nokni manderangna sanna-bananiko on•aniara India-ni galchipa man•batgipa bakrango chu•onggijanirangko namdapatna dakchaka ine health expert-rang aganangaha.
Na·simang iakoba nina man·gen:
Na·simang iakoba poraina man·gen: Health Minister, Jowai Civil Hospital-o Health ATM Machine baksana konta 24-na kuligipa pharmacy-ko oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
