Imphal, Jan 22: Manipur-ni Churachandpur a•jao mande saksani slai goe so•ota man•na an•tangko so•otjachina mol•molani video social media-o gipaha, aro bang•a manderangan uko nike ding•chaotokaha ine Manipur Police parakataha.
Police-rangni aganani gitade, ia obosta Mongolbar walo ong•aha. Waikhong police station-ni ning•o donggipa Kakching Khunou Uchan Makhong Leikai-oni M. Tombi Singh-ni depante Mayanglambam Rishikanta-ko u•ina man•gijagipa manderang Tuibuong joloniko rim•srukangaha aro ja•mano T. Natjang songo so•otaha ine walni 10:15 bajimango Churachandpur Police kobor man•soaha.
So•otako man•gipa mandeni manggisiko ja•mano man•aha aro uko district morgue-o doneaha.
Churachandpur Police suo motu FIR-ko ka•aha aro dos dakgipa manderangko rim•na am•sandianirangko a•bachengataha ine official-rang aganangaha.
Rishikanta tribal me•chik saksako bia ka•aha ine police dolrang aganaha. Chingnu minggipa me•chikko uni bia ka•ani ja•mano ua an•tangni bimungoni Ginminthang ine tribal bimungko mingjitaha aro jikgipa baksa dongrimaha.
Indaks ong•genchimoba uamang jiksesa jat dingtang dingtang ong•enba, Manipur-o 2023-o jatrangni gisepo kajia-golmal ong•aonin ekgrikaha.
Rishikanta Nepal-o kam ka•engachim aro ua jikgipa baksa dongrimna inenba re•anggipa antio Manipur-ona re•bapilaha. Uni jikgipa Kuki-Zo dolrangni rai-ko man•ani ja•mano ua Churachandpur-o dongna man•aha aro uandake uamang antisamangna apsan dongrimengachim.
Uko so•otani videoko niksoe manderang raken jegalaha aro a•doko tom•tomaniko man•gijaniko gisik ra•atpiltaiani ong•a ine bang•a manderang aganangaha. Uko so•otanina Meitei manderangni songdonggipa biaprango jegalanirangko bang•bate niknaba gnang ine koborrangko man•soaha.
Am•sandianirangko dakengon manderangni gisepo tom•tomaniko rakkichina a•dokni dilgiparang mol•molaniko on•ataha.
Na·simang iakoba nina man·gen:
Na·simang iakoba poraina man·gen: ICMR Assam a•dokna Mobile Stroke Unit-rangko on•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
