Tura, Sep 25: Meghalaya High Court-ni ge•etaniko man•ani ja•man Bristibar salo, West Garo Hills a•jani Superintendent of Police (SP) Abraham T Sangma, Garo Hills Autonomous District Council (GHADC) office-o jingjengatenggipa Non-Gazetted Employees Association (NGEA)-ni dilgiparangko grongenba, dingtang biapona apjitchina u•iataniko on•angaha.
Ia tom•anio SP, High Court-ni ge•etaniko NGEA-ni dilgiparangna talate on•angenba, dingtang biapo jingjengatskachina didiaha aro NGEA-ni dilgiparangba uni mol•molani gitan dingtang biapona apjitskana ku•rachakaniko on•angaha.
“High Court-ni order-o jekon angna ge•etahachim, uani bidingo anga NGEA-ni dilgiparangna talate on•aha aro NGEA-ni dilgiparangko dingtang biapona apjitchina aganaha. NGEA-ni dilgiparangba High Court-ni ge•etaniko ra•chakenba dingtang biapona apjitna ku•rachakaha,” ine SP Sangma, NGEA-ni dilgiparangko grongani ja•man Hub News-na aganaha.
Apsan daken NGEA-ni president Brithen M Sangma-ba High Court-ni on•atgipa ge•etaniko Budbar salon man•soaha aro uamang High Court-ni ge•etani gita dingtang biapona apjitanggen ine parakataha.
Na·simang iakoba nina man·gen:
Na·simang iakoba poraina man·gen: Inter Mahari men’s football-o Manda Te·gite-ko ame final-o Chambugong baksa susanasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
