Shillong, Sep 25: Budbar attamo, Ri Bhoi a•jani Mawrong-ona dakanggipa ramani Bir minggipa songo, bilsi 9 ong•gipa me•a bi•sa saksako rim•srukna jotton ka•ahachim indiba songni manderang, ta•raken uko sandienba, baditaba kontarangni ja•man uko jokatpilna man•aha.
Koborko on•ani gitade, ia me•a bi•sako uni ma•gipa, noksuloniko wakna al ra•echina gita watataha indiba Budbar attamni 4:00 aro 4:30-mangonan ua nokona sokbapilkujaengani gimin uni ma•gipa uko ramarangoniko okamna a•bachengaha. Uni okamoba maming ku•chaka dongjahani gimin uni ma•gipa bakan iani bidingo uni segipa aro nokdangni manderangna aganaha aro uamang songni nokmana u•iatenba, bakan songni manderang, ia me•a bi•sako sandina a•bachengataha.
Ia me•a bi•sako sandiengmitingo songni manderang, wakna al donchakgipako nikaha aro ia me•a bi•sana maiba ong•aha ine chanchichipenba ja•gamko sandiroroe, sambao donggipa buringona sokangaha. Buringona sokange songni manderang ia me•a bi•sako sandirorokuaha aro attamni 6:20 bajimango ia me•a bi•sako, wakna al donchakgipa bostuko man•gipa biaponi metre 200-mang chel•ao donggipa biaponiko man•aha.
Ia me•a bi•sako man•pilani ja•man bakan nokona rimbaaha aro ja•mano uko Umsning CHC-onaba rimangaha. CHC-ni doctor-rang, ia me•a bi•sani ja•arango bang•gija mata bu•anirangsan dongaia ine bi•sani ma•drangrangna aganataha.
Ja•mano ia me•a bi•sao sing•sandion, uko ma•sina man•gijagipa manderang rim•srukangna miksonge rim•drae ra•angahachim ine me•a bi•sa aganaha.
Na·simang iakoba nina man·gen:
Na·simang iakoba poraina man·gen: High Court-ni ge•etaniko man•ani ja•man GHADC-o jingjengataniko apjitchina u•iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
