Guwahati, April 1: Assam-ni Assembly election-na skang campaign ka·anirang bang·batroroengon, Congress-ni dilgipa, aro All India Congress Committee-ni (AICC) Media & Publicity Department-ni Chairman Pawan Khera, Assam-o rikenggipa BJP sorkarini kosako adita matnanganirangko dakangaha.
Ua Assam-ni gitcham Skotong Minister Tarun Gogoi-ko uni atchiani salo mande ra·bee gisik ra·aha aro a·dokni silroro-namroroanina uni on·gilanirangko janapangaha.
Uandake, da·o ong·enggipa Skotong Minister Himanta Biswa Sarma, Assam-ni manderangna an·tangni ku·chakgimin mongsonggipa kamrangko chu·sokatna man·jaha ine Khera matnangaha. Assam-o songdongenggipa jat-dokni manderangna ST status-ko on·gen ine 2014 bilsionin BJP dolrang pil·nipil ku·chakaha indiba da·ona kingkingba chu·sokatkujaengani gimin ua sing·doanirangko dakangaha.
Ia obostani bidingo uamang party-ni manifesto-o ru·uta bilsirangna janapaha, indiba da·o uni gitalbatgipa manifesto-ode uko janapteljaha ine Khera matnangenba, BJP uni skango ku·chakgiminrangko chu·sokatjaenga ine ua aganangaha.
Una agreba, chi bananichi Assam-o bilsianti bang·a obostarangko chagrongenga inenba, uarangko namatna BJP sorkari pangkamgipa cholrangko ra·gatna man·jaenga ine ua janapaha. A·a ruronganichi bang·a a·arangan bilsiantian gimaangenga aro chi banani a·selo nok-jamrang, bari-baganrang, jila-kaanirang aro rama jal·angrang nosto ong·e lakni lak manderang neng·nikanirangko man·enga ine ua aganangaha.
Khera-ni talatani gitade, ia obostarangko namate on·gen ine election-ni somoirango pil·nipil ku·chake on·genchimoba, bilsiantian a·dokni dingtang dingtang biaprango chi bananichi aro a·a ruronganichi hajalni hajal nokdangrang neng·nikanirangko man·enga aro uarangko champengna sorkari chu·onga gita cholrangko on·jaenga ine Khera matnangaha.
BJP-ni sorkariko rikanio manderangna dilsretaniko on·enga inenba election-na campaign ka·ani somoirango uamangni ku·chake on·anirangko pu·ongipa manderang altuae bebera·jachina ua didiangaha.
Assam-ni Assembly election sepangbatroroengon, candidate-rang nambate campaign-rangko ka·na ja·ku de·engaha aro iani gisepon political party-rangba dolsa dolgipinko matnange an·tangtang baksa bakrimchina manderangko didianirangko nikna man·enga.
Na·simang iakoba nina man·gen:
Na·simang iakoba poraina man·gen: Shillong-ni Qualapatty-oniko chanchichipenggipa gitcham boma bikapko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
