25.4 C
Tura
spot_img

HSSLC-ni Science porikkao Shillong-ni Laban Bengali Boy’s Hr Sec School aro Commerce porikkao St Mary’s Hr Sec School skanggipa biapko man•e chu•soka

Must read

Shillong, May 8: Meghalaya Board of School Education-ni gita budbar salo, Higher Secondary School Leaving Certificate (HSSLC) porikkani result-rangko parakatanio, Laban Bengali Boy’s Higher Secondary School-o poraienggipa, Sohan Bhattacharjee, Science porikkao chu•gimik 483 mark-rangko man•enba chubatgipa gadangko man•e pass ka•angaha aro Commerce porikkao, St Mary’s Higher Secondary School-ni Ferry Filarisha Wann, 472 mark-rangko man•enba chubatgipa gadango pass ka•angskaaha.

Iani gisepon, Science porikkao gnigipa gadango, St Edmund’s Higher Secondary School-ni Gordon Kupar Nongbri aro St Anthony’s Higher Secondary School-ni Ar Meker Marpna, gittamgipa gadangko man•e pass ka•angskaaha. Indake, commerce porikkao, St Anthony’s Higher Secondary School-ni Raj Paul, gnigipa gadango pass ka•angaha, indake ong•engon, Laban Bengali Boy’s Higher Secondary School-ni Pongkoch Dutta, St Anthony’s Higher Secondary School-ni Pinky Kumari aro Don Bosco College (Higher Secondary Section)-ni Aditya Prasad ma•ang sakgittam commerce porikkao gittamgipa gadangko man•e pass ka•angskaaha.

Advertisement

Una agreba gipin top-10 list-o bimung nakatgiparangara,top-10-ni brigipa gadango,Laban Bengali Boy’s Hr Sec School-ni Aniket Pattanayak aro St Anthony’s-ni Amebaaihunsha Kharbhih, bongagipa gadango- St Anthony’s-ni Rilaakor Lamare, dokgipa gadango- St Edmund’s-ni K Vansanpuii aro Jowai-ni North Liberty Hr Sec School-ni Weibha Nongtdu Lakiang,snigipa gadango-Jowai-ni North Liberty Hr Sec School-ni Joshaviah Onan Paswet,chetgipa gadango- Laban Bengali Boy’s Hr Sec School-ni Abhijit Deb,skugipa gadango- Sacred Heart Boy’s Hr Sec School-ni Freddy Lyngkhoi aro St Edmund’s Hr Sec School-ni Edward Pohlang Lamare.

Advertisement

Indake, Mairang Presbyterian Science College (Hr Sec Section)-ni Kevinstrong Lawrining, chikkunggipa gadango pass ka•angskaha.

Commerce porikkao top 10 list-o bimung  nakatgiparangara :  brigipa gadango, St Anthony’s-ni Nearlina Bani Nongbri aro St Edmund’s-ni Ryan Surong Myrthong, bongagipa gadango, St Anthony’s-ni Ishuah Kharsohtun, dokgipao, St Edmund’s-ni Sneha Paul, snigipa gadango- Shillong College Hr Sec Education-ni Dicky Nongpluh, chetgipa gadango- Laban Bengali Boy’s Hr Sec School-ni Imazul Haque Laskar, skugipao- St Mary’s Hr Sec School-ni Alphi Clarissa Warjri aro Nongpoh-ni Alpha English Hr Sec School-ni Jagjot Singh chikkunggipa gadango pass ka•angaha.

Advertisement

Science ra•giparangoni chu•gimik pass ka•giparang  85.24 percent aro commerce ra•giparangoni pass ka•giparang 80.26 percent mangni gita ong•a.

Advertisement

Pass ka•anirangko a•jani gita niatgenchim ong•ode, Science porikkao South West Garo Hills a•jaan, pass ka•anio 100 percent-rangko man•e chu•soksrangbatgipa ong•aha, uni jamano, 95.92 percent-ko man•e East Jaintia Hills a•jaan gnigipa biapo ga•akenga, iani gisepon 68.46 percent-ko man•e East Garo Hills a•jaan komibatsranggipa pass ka•giparangoni ong•engaa. Indake ong•engon, Commerce porikkao, West Khasi Hills a•jaan 100 percent-ko man•enba chu•soksrangbatgipa ong•aha, indake uni ja•chongrikgipa, 97.50 percent-ko man•e East Jaintia Hills a•ja gnigipa gadango aro South West Garo Hills a•ja 60 percent-ko man•e komibatgipa ga•akskaaha.

Na·simang ia video-koba nina man·gen:

Na·simang iakoba poraina man·gen: Jengjalo truck gari SUV gariko sugaka, doctor saksa aro uni driver saknaatako man•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article