Shillong, Iaiong 28 : U Symbud Myntri Rangbah ula shim ba ka jingai jingmynjur ia ka Meghalaya Official Languages Ordinance, 2026 kum ka rai ka ban sah khana ha ka histori ka Jylla bala shim da ka Sorkar MDA ba ialam da ka NPP, haba pynpaw ba kane kan ai jingmyntoi shikatdei eh ia ki samla jong ka Jylla.

“Kane ka rai kan ai jingmyntoi khlem pep ia ki samla, kiba dei ki lawei jong ka Jylla” ong u Bah Dhar haba kynthoh ia ka rai jong u Lat ban ai jingmynjur ia ka Ordinance ka ba ai jingithuh Official Language ia ka ktien Khasi bad Garo.

U Symbud Myntri Rangbah ula ong ba kane ka rai ka dei ka jingpynurlong ia ka jingangud kaba la slem bah jong u paidbah.

“Kane ka dei ka jingdawa bala slem jong ki paidbah ka Jylla bad ka dei tang ka NPP kaba nud ban pynurlong ia kane ka jingangud ki paid Khasi, Jaintia bad Garo” ula ong.

U Bah Dhar ula ai burom ia ka National People’s Party ba kala pynurlong iala ki jingkular.

“Nga hap ban ong ba ka NPP kala pyni ba ki kam ki khamjam ban ia ka ktien bad kala pyni ruh ba ka dei ka party kaba shakri ia ki paidbah bad ka Jylla” ula ong.

Ia ka Ordinance yn sa wanrah ha Iingdorbar Thaw Ain ban pynlong ain ba pura.

Also Read: Pdiang ka KAS ia ka jingithuh Official Language ia ka ktien Khasi | Kwah don bynta ha ka jingshna ia ka Rule

Also Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub