Tura, April 6: Re•anggipa April 3 tarikoni a•bachenge ong•atanggipa ICFAI University Tura Campus-ni Varsity Week-ko Bristibar salo matchotataha.
Ia Varsity Week-ko ‘Bilsunia Miktakala’ ine pangchakaniko done ong•atangahachim aro ia Varsity Week-o ICFAI University Tura Campus-ni chatro chatrirang, Red House (Riprap), Blue House (Chima), Green House (Nokrek) aro Yellow House (Durama)-o dolbri dake bakko ra•angtokaha.
Ia salbrina ong•atanggipa Varsity Week-o jatni kal•susaanirang aro gipin program-rangkoba ong•atangaha aro susaanirango Red House (Riprap) 330 point-rangko man•e nambatgipa house ine mingako man•aha aro uni ja•man Blue House (Chima) 255 point-rangko man•e gnigipa biapko man•rikskaaha.
Iakoba poraie nina man·gen: James Sangma-ko MIDC-ni chairman songa
