Guwahati, June 16: Indian Institute of Technology (IIT) Guwahati, Southern Denmark University (SDU) baksa am·sandianio, gital chanchibewalanirango aro program-rangni gimin skie ra·anio apsan kamrangko ka·rimna gita Memorandum Of Understangding (MoU) ba ku·monggrikani soi-ko ka·angaha.
Ia ku·monggrikaniko, IIT Guwahati-ni Director Prof. Devendra Jalihal aro SDU-ni Faculty Of Engineering-ni Dean Prof. Henrik Bindslev soi ka·angaha, jeon Danfoss-ni Chairman baksana Kingdom Of Denmark-ni Honorary Consul, Jorgen Mads Clausen iano dongpae bak ra·angan baksana lekka pora skie ra·ani, bading chiwalani aro sorkari baksa apsan kam ka·rimani gamchatani gimin aganangaha.
Ia gitalgipa nangrimani bak gita, India aro Denmark-ni gisepgriko gital chanchibewalani aro am·sandianina kamrangko ka·na dingtangmancha Centre-ko IIT Guwahati-o a·bachengatgen. Uasan ong·aigija, uamang Master’s aro Ph.D course-rangkoba a·bachengatgnok, jeon India aro Denmark-ni chatro chatrirang baksana skigiparangba skie ra·na aro saksa sakgipinna skie on·anikoba dakna gita man·gen. Iano a·song damgnini manderangan saksa sakgipinni university-rangona re·grike apsan skie ra·na gita cholko man·gnok.
Uamang mongsonggipa katta bichongrang jekai rongtalgipa bil, bilrangko simsake jakkalani baksana samtangtango donggipa ong·telaigiparangko naljoke rakkiani bidingoba kamrangko ka·anggen. Ia gitalgipa nangrimanichi, IIT Guwahati-ko am·sandianio aro skie ra·anio a·gilsakni nambatgipa Centre ong·atna dakchakgen ine Prof. Jalihal parakataha.
University damgnini member-rang donggipa Joint Steering Committee dol ia project-ko nirokanggen. Ia project-ko chu·sokgipa ong·atna gita uamang bading chiwalgipa dolrangoniko chakpaani aro tangkarangkoba man·a dakchakaniko on·anggen.
Na·simang ia video-koba nina man·gen:
Na·simang iakoba poraina man·gen: Mikkangchina chanchie janggi tanganio Nagalandni re·mikkangani
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
