Shillong, Jun 16: Indore songjinmaoni re•bagipa tourist Raja Raghuvanshi-ko so•otani bidingo police-rangni am•sandianirang da•o ta•raken matchotangengaha aro sakkirangkoba chu•onga gitan man•engahani gimin ia a•selna matnanga man•enggipa mande sakbongani kosako bakan chargesheet ka•na man•gnok ine Sombar salo, Meghalaya a•dokni Director General of Police (DGP) Idashisha Nongrang, an•tangni ka•dongchakenganiko parakataha.
Iani bidingo kobor ra•timgiparangna talataniko on•angengon, Raja-ko so•otanina matnanga man•gipa sakbonga manderangko da•o dipet police-rangni ning•o done sing•sandikuenga aro ia a•selni bidingo kakketko ma•sina police-rang raken kamko ka•enga ine DGP aganaha.
Matnanga man•gipa manderangko basako a•sel ong•gipa biapona rimangna miksongenga ine sing•anina aganchakaniko on•angengon, da•o dipet iani bidingo tale aganna man•kujawa indiba ia manderangko Mongolbar salon Sohra-ona rimange, uamang maikai Raja-ko so•otaha, uko mesokchina rimangani chol donga ine DGP aganaha.
Raja-ni manggisiko June-ni 2 tariko, Wei Sawdong Falls sambao donggipa a•silangoniko man•ahani gimin ia a•selna matnanga man•gipa sakbonga manderangko, ia biaponan rimange uamang maikai Raja-ko so•otaha uko police-rang dakmesokatna sienga.
Na·simang ia video-koba nina man·gen:
Na·simang iakoba poraina man·gen: IIT Guwahati aro Southern Denmark University apsan kam ka·rimna MoU-ko soi ka·grika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
