Guwahati, June 16: A·doko Coffee bagan dakani tang·dororoengon, coffee-ko Unique Selling Point (USP) product ba bostu ine Nagaland sorkari parakataha. Ian gipin a·songona badingchiwalaniko apalbatatna aro a·jatango coffee bagan dake a·gilsak gimikona bostutangko gipatna miksonganio ja·ku de·ani ong·a.
MLA ong·an baksana Land Resources-ni Advisor ong·enggipa G. Ikuto Zhimomi, a·gilsak gimiko Nagaland a·doko coffee-oniko tarigipa bostutangko gipatna gita ian mingsa chol ong·ani gimin ge·e game cha·enggipa sakantian ia cholko ra·na nanga ine Kohima-o Coffee Canvas Event-ko ong·atani somoio didiataha.
Nagaland a·doko Coffee-ko ge·a gamani bidingo janapengon, uamangni a·dokni Coffee-ko dingtangmanchagipa bostu ine gipin a·songrangoba mingsing minggamako man·engaha ine aganan baksa 2021 bilsio Aurora International Taste Challenge (AITC)-ko South Africa-o ong·atanio silver medal aro 2023 bilsio Nagaland Washing Station-oni coffee bitchil tarigiminko mesoksusaanio gold medal-ko man·aha ineba ua janapatjolaha.
A·dokni 10.4 lakh hectare-mangni gita coffee bagan dakna namgipa a·arang gnang jeonikon 1.08% mangni gitasa coffee bagan dakna jakkalkuenga, uni gimin ian songadamo janggi tangani gadangko tang·doatna, kam gri ong·e dongenggiparangna kamko on·a aro a·dokko a·gilsak gimiko mingsingatna dal·begipa chol ong·a ine Zhimomi janapataha.
Land Resources-ni Director aro SLNA-ni CEO Albert Ngullie-ba, 2047 bilsini gisepode 50,000 hectare-mangni gita a·arango coffee-ko ge·a gamaniko dakgen jean chadamberangna kam ka·e cha·na cholba ong·gen ine parakataha.
Ia Department-ni gita bol wa·arangko dengalani grian coffee-ko bagan dakan baksana coffee-ko tariani, brandni bimungko donanirangko dake sakgipinrangna janggi tangani cholkoba on·a man·enga ine aganan baksa, 8% mangni gita a·arangko coffee baganko dakgenchimoba 195 metric ton-mangni gita cherry coffee-ko man·enga ineba Ngullie janapataha.
Ia Department-ni gita da·o dipet dam 16 coffee cafe, dam 12 Washing Station aro dam 7 coffee ran·atgipa station-rangko chalaienga. Nagaland-ni coffee nambatsranggipa ong·a ine Expert-rangba janapataha aro ian a·doko biap ka·sinanichi aro chu·onga gita mikka bitchitangko man·anichi namgipa coffee-rangko ge·na gamna man·enga ineba ua aganaha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko so•otgipa manderangko Mongolbaro a•sel ong•gipa biapona rimangnaba gnang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
