Imphal, Nov 16: Manipur-ni skotong Imphal-o donggipa Regional Institute of Medical Sciences (RIMS)-ona napchakatgipa (gate) sambao da·al Sombar salni bako bobil dolni gopretatgipa ine chanchichipenggipa a·sel-obostao, saksa bilsi 40-ong·gipa me·asa aro uni jikgipa bilongbee mata-bu·anirangko man·e jokkom ong·tokaha ine koborko man·soaha.
Koborrangko a·bachenge man·soani gitade, uamang jiksesan Manipur-ni Kangpokpi district-oni sorkarini chalaienggipa hospital-o sana-bana gita re·batokachim.
Gipin a·songo tarigipa namen bilakgipa bomko Sombar pringchibara 9:35 bajimango gopretatani a·sel uanoni tang·pipragiparang uamang jiksesako nangeanichi aditan jokkom ong·atako man·aha ine police-oniko koborrangko man·soaha.
A·sel ong·ani ja·man uamang jiksesakon sambajolni hospital-china ra·angaha. Uamang sakgnian da·o kenchakani nalsao ong·tokenga ineba koborko man·soaha.
Indake ong·engon, bom gopretataniko darang bobil doloniba da·odipetde a·kanggipa dongkujaienga. Iano jak donggiparangko rim·na gita police-rang ja·kol sananikoba a·bachengataha ine koborko man·sodapaha.
