Guwahati, Sept 6: Prime Minister Narendra Modi a·songni skanggipa wa·a-oniko tarigipa bio-refinery-ko Assam-ni Golaghat a·jani Numaligarh-o September 14 tariko oprake on·aniko dakanggen.
Ia kror 7,200-ni project-ko Numaligarh Refinery Limted (NRL) aro Finland-ni Fortum aro Chempolis company-rangni bakrimgimin Assam Bio Ethanol Pvt. Limited (ABEPL) tariaha. Ia refinery-ko Engineers India Limited (EIL) EPCM mode-o kam ka·aha aro Chempolis-oniko technology-ni dakchakaniko man·e bamboo biomass-oniko skanggipa changna India-o fuel-grade ethanol-ko tarina jotton ka·enga.
Official-rangni aganani gitade, ian 2025 bilsio 20% ethanol-ko petrol baksa brine jakkalaniona sokna miksongani baksa nangrima, aro iako dakaniara crude oil-o pangchakaniko komiatna aro renewable energy-ko jakkalaniko bariatna ine ong·a. “Energy-ko jakkalna nangani bariroroengaha aro a·gilsako jakkalenggipa bosturang bon·angroroengaha. India-o manderangni nangnikanirangko chu·sokatna aro fossil fuel-rangko jakkalanirangko komiatna renewable energy-ko bang·bate jakkalna nangenga,” ine official saksa aganaha.
Ia miksongenggipa refinery-o tonne 49,000 bio-ethanol-ko bilsiprako bikotgen aro una agreba 11,000 TPA acetic acid-ko aro 19,000 TPA furfural-ko bikotgen. Wa·arangko Assam-ni dingtang dingtang biaprangni sak 3,000 game cha·giparangoniko bregen aro uandaken bilsiantian kror 200-ni bading-chiwalanirangko dakgen. Bilsiprako tonne 500,000 wa·arangko jakkalna man·ani gimin, ia project-ko ka·anichi janggi tangani chol aro samtangtangko ripingani minggniko dakna man·gen ine chanchisamsoenga.
“Ia project re·baenggipa bilsirango India-ni bio-refinery programme-rangna ramako mesokgipa ong·gen ine ka·dongsoenga. Iako dakanichi gari-gora-rangko jakkalanina ethanol-ko man·anikosan namdapataijawa indiba bio-refinery-oniko man·gipa by-productrangni chemical-rang aro gipin bosturangko jakkalna cholrangko bang·bate on·gen,” ine Engineers India Limited-ni official saksa aganangaha.
“Ian skanggipa changna India-o wa·a-oniko ethanol-ko tarichengani ong·enga. Iako dakanichi India-ni crude oil-ko gipin a·songrangoniko ra·bana nanganiko komiatgen, carbon dioxide-ko watanirangko 80%-rangni gita komiatgen,” ine Numaligarh Refinery-ni Managing Director Bhaskar Jyoti Phukan aganaha.
Ia refiner-ko carbon-negative facility dake tariaha aro iano wava-oniko 25MW green power-ko bikotgen, jeonikon 20 MW-ko uano kam ka·anirangna jakkalgen aro 5 MW-ko refinery-o jakkalgen. IIT Guwahati baksa bakrime, wa·ako so·e biochar-ko tarianirangkoba dake nina miksongenga.
Ethanol-na agreba, ia refinery-o resin-rangna furfural, aro una agreba acetic acid, enzyme-rang aro formic acid-ko tarigen, uandake Northeast-p biotechnology aro dingtang dingtang karkanarang gitalgipa cholrangko bikotgen.
Na·simang iakoba nina man·gen:
Na·simang iakoba poraina man·gen: Good Samaritan Counselling Centre-ko Iewduh-o kulie on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
