Senokgipa: ROOPAK GOSWAMI
Shillong, Jan 14: Scientist-rang skanggipa changna India-o, kimilraragipa do·bakko (Keriboula titania) Khasi Hills-o nikaha.
Ia do·bakni bidingo Uttam Saikia, Manuel Rudei, Rohit Chakravarty, Jennifer Lyngdoh, Rajib Goswami aro Gábor Csorba dakaha aro uamangni sechimonggiminko Animal Taxonomy and Ecology journal-o segataha.
Ia nikronggijagipa do·bakko December 2024-o East Khasi Hills a·jani Thangkarang songni sepango donggipa songni burung 870 metre-rang chu·gipa biapo am·sandianirangko dakengmitingo nikaha. Da·ona kingking ia kimilraragipa do·bakko Southeast Asia-o chong·motan Myanmar, Thailand, Laos, Cambodia, Vietnam, aro China-ni Yunan province-rangosan nikengpitichim.
Researcher-rangni aganani gitade, Meghalaya-o ia do·bakko nikani uni dongramoni Saliram-chipak km 500-mang chel·ao ong·a aro da·o India-o donggipa do·bakrangni rokom chu·gimik 137 ong·aha.
Ia kimilraragipa do·bakrang chona aro niksengjani gimin, iako am·sandigiparang dingtangmanchagipa ja·garangko aro gam·chakanirangko jakkale uarangko rim·aha. Dingtangmanchagipa taxonomy aro do·bakni bimangko che·em che·em niani, bacular bone analysis, mitochondrial DNA sequencing, echolocation call analysis, aro grangrangko toe nianirangko dakenba ia do·bakni rokomko namedake u·ina man·aha.
Ia kimilraragipa do·obakni rokom burung diltuarango donge, ka·sine bilgipa ong·a ine am·sandianio u·ina man·aha Uni grang aro mikoanirangko nianichi, ua mikka himgipa biaprangni diltugipa burungrango pangchake janggi tanggipa ong·a ine nikaha, uandake burung-bolgrimrangni komiangani ia do·bakrangni dongramna kengniko ra·baa.
Re·anggipa adita bilsirangni gisepo matburungrangni rokom gitalrangko India-ni Salgro Salaram bang·en man·genchimoba, India-ni Salgro-Salaram-o donggipa mammal-rangni gimin am·sandianirang namen komia ine mesoka ine researcher-rang parakataha. Uandake Meghalaya-o Salgro Salaram-o, mongsongbate songni manderangni rakkigipa burungrango ning·tubate aro nambate am·sandianirangko dake, uarangko ripingna nanga ine uamang aganangaha.
“Re·anggipa adita bilsirango, India-o do·bakrangni gital rokomrangko man·anirangko bang·en nikna man·aha. A·songo burung-bolgrimrang aro do·o-matrang namen komiangoroengon, ia gam-jinrangko ripingani cholrangko sandina gita uarangni gimin namedake am·sandie rakkina nanga. Uni gimin, ia knaronggijagipa matburungrangni rokomrangni gimin am·sandina gita cholrangko nanga,” ine researcher-rang janapaha.
Na·simang iakoba nina man·gen:
Na·simang iakoba poraina man·gen: NH-6-o donggipa Toll Plaza-ni bidingo Cong MDC badi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
