Jawilwat o kam ka•gipa mingsingipa jiksesa Assam Film Fraternity-ni manderangko grongea.
Guwahati, March 8 : Jawilwat-o kam ka•gipa Rakul Preet Singh aro Jacky Bhagnani Guwahati-ona sokbaaha.Mingsing minggamako man•gipa jiksesa jean jikma jikse ong•a ru•utkujachim aro gitalgipa re•mikkanganio kusi ong•engmitingchim, uamang bristibar salo Kamakhya Temple ba mondir-ona re•ange bi•aniko dakan baksana Assam Film Fraternity ba film tarigipa Assam-ni jongadarang baksa agangrikanio bak ra•paa jekon Assam State Film (Finance and Development) Corporation Limited-ni ong•atangaha.
Ia agangrikani somoio, bang•a don•nugipa kattarang nakatba•aha, jeon Indian Film Industry-ni niksenggipa jawilwat tarigipa aro jawilwat-o kam ka•gipa Jacky Bhagnani, uni Assam baksa nangrimaniko parakaha. “Angni ma•gipa Jorhat-oni ong•a aro anga ia Kamakhya mondir donggipa biapona re•bapilna man•e aro ia rongtalgipa olakkichakram biapo ang jikgipa baksa re•angna man•e namen kusi ong•beaha,” ine Jacky aganangaha.
![](https://hubnetwork.in/wp-content/uploads/2024/03/WhatsApp-Image-2024-03-08-at-10.15.33-AM.jpeg)
![](https://hubnetwork.in/wp-content/uploads/2024/03/WhatsApp-Image-2024-03-08-at-10.21.42-AM.jpeg)
Unomiting, Rakul Preet Singh-ba uni chonmitting somoio bilsi 4-na salgro salaram jolni dingtang dingtang biaprango donganiko gisik ra•atpiltaiaha maina uni pagipa Assam Rifles-ni officer saksa ong•achim.
![](https://hubnetwork.in/wp-content/uploads/2024/03/WhatsApp-Image-2024-03-08-at-10.15.18-AM.jpeg)
![](https://hubnetwork.in/wp-content/uploads/2024/03/WhatsApp-Image-2024-03-08-at-10.15.08-AM.jpeg)
![](https://hubnetwork.in/wp-content/uploads/2024/03/WhatsApp-Image-2024-03-08-at-10.14.57-AM.jpeg)
Jacky Bhagnani-ni Assamese jawilwat tarianiko rasong on•aniara namen gisik ra•na krabeani ong•a aro indake mikkangchi ua India gimiko dalbatgipa Assamese jawilwat-ko tarina chanchisoanirang donga ineba aganangaha.
Na·simang iakoba poraie nina man·gen: Turani Fancy Valley-o wa·al kam·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020