Williamnagar, Sep 8: Williamnagar Bazar sambao skatang jabol galako nirok sandijaengani a•sel manderang neng•nikanirangko chagrongna nangenga ine Mingran T Sangma minggipa mande saksa, Williamnagar Municipal Board (WMB)-ni kosako FIR ka•doangaha.
FIR-ko ua Sombar salo, Williamnagar Police Station-ni Officer-in-Charge-na on•angaha aro uni FIR-o janapatani gitade, Williamnagar Bazar sambao jabol galako name nirokjaengani a•sel ia biapo chaktogijagipa bibako manderang chakna nangtokenga aro ian manderangni an•seng baljokanina kenchakna nangani ong•enga.
Ia biaprango skatang jabolrangko galaniara manderangna, mongsongbate bi•sarangna, budepa butchumarangna aro ma•manti sabisi sakanchi donggipa manderangna namgijaniko ra•bana man•a ineba Sangma, FIR-o janapataha.
Ia biapo skatang jabol galengani gimin jolo songdongenggipa manderang changni chang badi ka•doahaoba maming ja•kurangko de•chipkujaenga ine janapatengon, Environment Protection Act-ni ning•o mokordomako segatenba Williamnagar Municipal Board-ni kosako rakgipa ja•kurangko de•china Sangma didiataha.
Na·simang iakoba nina man·gen:
Na·simang iakoba poraina man·gen: Adelbert Nongrum, Assembly-o uko suspend ka·anina sing·doataniko dakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
