Shillong, Jun 21: Jaintia Hills-o crore 59 koros ong·e tarigipa Jowai-Nartiang-Kdiap-Khanduli (JNKK) ramako Sonibar salo, Union Finance Minister Nirmala Sitharaman-ni jakchi oprake on·angaha.
Ia ramako, New Development Bank-ni crore 59 tangkarangko dakchake on·anichi tariaha aro ia ramako tarianichi, ian songadam nokadamrango re·a doani cholrangko namdapatan baksana Jaintia Hills a·jao songdongenggipa manderangni janggi tangani gadangko namdapatna man·gnok ine ka·dongenga.
Ia ramako oprake on·na gita jinma tom·bimonganiko Wahiajer Football Stadium-o ong·atanio Union Finance Minister, jinmana aganprakangengon, simarang aro songadam nokadamrangko man·chape a·songni pilak kona noksikrangonan namroro silroroaniko sokatna gita namgipa rama jal·langrangko nangchongmota ine aganaha.
Ja·mano Finance Minister, Kiang Nangbah Government College-ni chatro chatrirang baksaba agangrikangaha aro chatro chatrirang baksa tom·anio ua, chubata gadangrango lekka porako ra·ani, kamrangko ka·e cha·ani, bading chiwalani, tangka paisarangko jakkalani bidingo ma·sie ra·ani aro a·songko rikanio chadamberangni daitorangkoba agan-talate on·angaha.
Special Assistance to States for Capital Investment (SASCI) Scheme-ni ning·o nambate rikgipa gong crore 65-ni Wahiajer Football Stadium-o ua, skulo poraienggipa bi·sarang aro kal·susagiparangkoba gronge agangrikangaha.
Na·simang iakoba nina man·gen:
Na·simang iakoba poraina man·gen: PM Poshan Meal Association-ni ning·o cook cum helper-ni kamko ka·giparang Shillong songjinmao jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
