Shillong, May 18: Jaintia Hills-o Shree Cement karkanako kulina gita Sombar salo public hearing-ko ong•atanio, Jaintia National Council (JNC) aro Jaintia Students Union (JSU)-ni membor-rang, jegalenba jingjengatanirangko dakangskaaha.
Ia jingjengataniko ong•atani bidingo JSU-ni general secretary Neilkeel Mukhim, kobor ra•timgiparangna talate on•angengon, ia cement karkanako kulina a•ako breanio, Tribal ong•gijagipa mandeni bimingosa breahani gimin ian Jaintia Hills Autonomous District Council (JHADC)-ni niamrangko pe•ani gita ong•enga ine parakataha.
Ia biapo cement karkanako kulianichi, samtangtango ong•telaigiparangna nangchakeaniko ra•bagen ine janapatengon, ian sambao donggipa chiring chibisikrangko moila ong•atgen, manderangni bagan barirangko nosto ka•gen aro manderangni janggi tanganioba nangchakeaniko ra•bagen ine JSU-ni general secretary parakataha.
Ia cement karkanako kulina public hearing-ko ong•ataniara, manderangni namgninade mamingkon mesokjaha ine janapatskaengon, ia cement karkanako kulianiara a•ani kosako Tribal-rangna on•gimin bilko pe•ani aro samtangtangna namgijako ra•bana siengani gimin uamang iako raken jegalangkuaigen ine Mukhim parakataha.
Manderangni nangnikani gita niamrangko ra•gatkujaskal ia cement karkanako kuliani kamrangko dontongatchengkuchina gitaba JNC aro JSU dolrang dabiangaha.
Na·simang iakoba nina man·gen:
Na·simang iakoba poraina man·gen: Myanmar-oni drugs badingsrukgipako NCB Delhi-o rim∙a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
