Guwahati, Apr 29: Gujarat a•dokni independent MLA Jignesh Mevaniko rim•ani sal 10 ja•mano Assam court jamino wataha. Jignesh Mevani Prime ministerni kosako jegalani kattarangko twitero seahani gimin Assam policerang re•anggipa April 20 tariko uni nokchinan re•ange rim•eahachim. Uni ja•man April 25 tariko me•chik saksako ong•gija dakanina Barpeta polisrang rim•taiaha indiba Kokhrajar districtni ChiefJudicial Magistrate uko jamino wataha. Mevani ni jegale aganani gitade, Assamni BJP aro RSS rangni ning•in ning•in kam ka•e galona jotton ka•e dakanisan ong•aia. BJP-RSS dolrang pangnan indake ong•gija kamrangko ka•rongenga. Uamang Rohit Vemulako, Chandrasekhar Azadko onchepe kal•ake roa gitan angkoba nisan done galona aro dos donga ine potdrakna jotton ka•enga ine kobor ra•timgiparangna aganaha.