Shillong, Nov 7: Jaintia National Council (JNC) dol, President Sambormi Lyngdoh-ni dilanio cement karkanarangni garirangko jakkale sorkarini on·gimin rate-o tgamkugijagipa tangkarangko gamchina dabie Meghalaya Commercial Truck Owners and Drivers Association (MCTODA)-ni jingjengatanina gisiko suk ong·gijaniko parakataha.
Cement karkanarang truck salgiparangna sorkarini on·gimin rate-o pangchake tangkarangko gamaha ine parakatgenchimoba, gimikande man·a nanggiparangko man·kuja ine MCTODA-ni member-rang baksa tom·bimonganiko ong·ata jaman Lyngdoh jinmana u·iataha. Iani gisepon, ua tribal ong·gijagiparangni bading chiwalanina chakpaaniko on·anina District Council-ni kosako matnangatan baksana cement karkanarangna an·tangtang truck-rangko ra·na on·aniara jolo truck sale cha·enggiparangni janggi tanganina kenchakna nangani ong·a ineba janapataha.
Iarang pilako nigrikenba, JNC dol sorkariko cement karkanarangni an·tangtang truck breanirangko champengatan baksana tribal ong·gijagiparangna pale simme cha·anina dongimin niamrangko ja·rikatchinaba dabiataha. Indake ong·engon, MCTODA-ni dilgiparangko rim·aniara tom·tomanina agan-golpogrikanirangko bon·changdikatenga inenba rim·a man·gipa dilgiparangko watpilchinaba ua didiataha.
Lyngdoh, cement karkanarang uamangko bak dakna jotton ka·enga ine mikrakataniko on·enba, pilak Jaintia Hills Trucks Association, East Jaintia Trucks Association, aro MCTODA dolrangko apsan ku·monge kamrangko ka·china okamaniko dakangaha.
Indake ong·engon, cement karkanarangni tribal ong·gijagipa skotongni MCTODA-ni dilgiparangko ka·mikkenatani kosako jegalatengon, iani bidingo uamang maidakgipa ja·ku de·aniko dakgenchim uarangni bidingo ta·raken chanchirimaniko dakna tom·bimonganiko ong·atanggen ine JNC dol u·iataha.
Na·simang iakoba nina man·gen:
Na·simang iakoba poraina man·gen: Salgro Salaram a·dokrango drugs jakkalgiparang aro bilsi sokgija an·o donganirang bang·enga ine M’laya Governor parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
