28.8 C
Tura
spot_img

Joe Biden, White House-na susagrikao chena ka·donganiko paraka 

Must read

Washington, Nov 7:  Republican President Donald Trump baksa White House-na apsan-apsan dake susagrikanganio ia eleksino chegipa ong·nasiako bebera·na krae aroba rongtalen mesoksoaniko nikna man·enga ine Democratic presidential candidate Joe Biden aganaha.

Pennsylvania aro Georgia, ia susagrikani mongsonggipa biaprango vote-rangko chananirang ong·kuengon, bilsi 77-ong·gipa US-ni vice president gitchaman skangsoe dongeming ia ja November 3 tarikni presidential election-o Biden, chegipa ong·aha ine parakataniko man·nasiaha. Indake, mni Sukrobar walona, gimik 538 electoral college vote-rangoniko 264-ko Biden man·e dongenga. US-ni president-na gital seokgiminko parakataniko man·na nangenggipa 270-ona sokdosrangna gita ua ge·dok electoral college vote-rangkosan nangaiaha.

Chananirang ong·kueangani gimino, Biden an·tangko cheaha ine paraknade nangnikkkujaienga indiba jensomaio result-rangko bon·kame parakatahaon ua an·tangko chetelgen ine ka·dongsoanikode parakaha. “Ripengrang, an·chingona cheani maming kobor sokbakuja, indiba bebera·na krae aro rongtalen an·chingna mesoksoaoha; an·chingan ia susaanio chetelengaha,” ine Biden, mni Sukrobar walo uni campaign ka·chakgipa skotong Wilmington, Delaware-o a·songni manderangna agan-parakataha.

Unbaksa eleksino re·chapgipa Senator Kamala Harris (56) ua somaio gan·sango dongpaachim, indiba ua maming ku·sakoba aganjaha.

Iarangni gisepon, Donald Trump (74), an·tangko ama channade sikkujaiengachm, batesa, susarimgipa Democratic candidate an·tangko cheaha ine ong·gija a·kangna nangja ine aganskaaha.

“Joe Biden, President-ni office-ko indake ong·gija a·kangsona nangja, angaba ia apsankon a·kangnade man·achim. Niam gita re·e kamko ka·anirang da·osa a·bachengenga!” ineba Trump mni Sukrobar salo tweet ka·e aganataha.

spot_img

More articles

spot_img
-->

Latest article