Shillong, Dec 22: Mumbai-ni Jio World Convention Centre (JWCC), a·doko chadamberangna janggi tangani cholrangko ra·doani gita skanggipa changna Shillong Campus Recruitment Drive-ko ong·atanio Meghalaya a·dokni sak 20 chadamberangko kamna rakkiangaha. Ia Recruitment Drive-ko Emporium Skills Training Institute (ESTI) aro Don Bosco Youth Centre (DBYC), Laitumkrah, apsan nangrime ong·atangaha. Ia kamna rakkianio chu·gimik sak 111 chadamberang bakko ra·angtokaha, indake chang 3 interview ra·a jaman sak 20 chadamberang seokako man·aha aro unon joljol uamangna kamna rakkiani lekka-rangkoba on·angjolaha. Medical porikka ka·e niani aro company-ni dakna nanggnirang kam matchotahaode, ia seoka man·gipa chadamberang re·anggipa 2026 bilsini January 19 tariko JWCC-o kam ka·aniko a·bachengatgen.
Kamna rakkia man·giparang kragipa dormaha, dongchakani, gari gora, cha·a ringani baksana an·tangna aro nokdangni manderangna medical insurance, sildorengni ticket-rang aro dingtang dingtang namgnirang jekai provident fund aro gratuity-rangkoba man·gen.
Ia kamna rakkianiko man·aniara Don Bosco Youth Centre-ni ru·uta somoirangna krenge kamko ka·aniko mesoka, jean Meghalaya a·doko songdonggipa cholgrigipa chadamberangna ramako mesoke on·an baksana changa sapaniko skie on·baenga. Director Fr. Michael Makri, ia somoi namen gisiko nangtikgipa aro ka·srokgipa ong·a ine aganengon, ia kamrangara mikkim rasong, ka·dongani aro chadamberangna mikkangchi nambata janggi tanganiko ra·baanian ong·a ine agantale on·angaha.
Ia bilsi a·bachengon, Don Bosco Youth Centre (DBYC), chadamberangko sana banani, sildoreng aro jahas-rango kam ka·ani bidingo skie on·a ESTI baksa ku·monggrikani soiko ka·angaha. India a·songo hospital sector-o kam ka·na sapgipagiparangko bang·en nangkuengani gimin mikkangchi bang·bata kamni cholrang sokbatainaba donga ineba ma·mong sorkari u·iatangaha.
Na·simang iakoba nina man·gen:
Na·simang iakoba poraina man·gen: Chang 4-gipa Koch Youth Festival-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
