Shillong, Sept 23: A·dokni cabinet-o minister-rangna kamrangko sualanio, Meghalaya Democratic Alliance (MDA) sorkari rikanio bakrimgipa dolrang pilaknan apsangrik ong·e tikatanina NPP-ni state working president aro cabinet minister Marcuise N Marak a·dokni skotong minister Conrad K Sangma-ko mitele aganaha.
Sak-33 MLA-rang donggenchimoba, a·dokni skotong minister chalaienggipa sorkarini ning·o donggipa chonchongipa party-rangnaba jekai Hill State People’s Democratic Party (HSPDP) aro United Democratic Party (UDP)-naba kamrangko tikatna an·tangni ku·chakaniko chu·sokataha ine ua Mongolbar salo kobor ra·timgiparangna parakataha.
“Iarangko niatgenchimode, mikkang niteani gri pilak dolrangan apsan gadango ong·a ine nikna man·gen. Dingtang dingtang dolrang bakrime sorkari-ko rikon apsangrik ong·na nanga ine pilakan u·ia,” ine ua aganangaha.
Uni aganani gitade, indake pilakkon apsangrik ong·atanichi sorkariko rikna bakrimenggipa dolrangni gisepo kam ka·rimani aro ku·mong-nangrimaniko dakna nambata dakchakaniko man·a.
Una agreba, sorkariko rikanio bakrimenggipa pilak party-rangkon an·tangtangni constituency-na kam ka·china ineba skotong minister ge·etaniko on·aha ineba Marak janapaha.
“Uni gimin darangba chu·ongnikgijani ba kusi ong·gijani dongja maina ua an·tangni constituency-ko chu·gimikan nirokna man·kuaigen. Chinga uno songdonggiparangko mande ra·a aro uamangni nangnikanirangko chu·sokate on·na,” ine ua aganangkuaha.
Cabinet-o seokgimin dilgiparangni gimin janapon, a·dokni skotong minister, Ri Bhoi a·jani MLA-rangko nigrike adita sakrangko rimnapnaha ine NPP-ni dilgipa aganangaha.
A·jaoni sakbri MLA-rangko seokanichi, uamangni agaanirangko knachakna aro nanganirangko on·na inenba skotong minister cholko on·aha.
Na·simang iakoba nina man·gen:
Na·simang iakoba poraina man·gen: Greater Shillong Water Supply Scheme phase-III-ko March 2026-oni chalaigen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
