Kamrup, Nov 2: Kamrup a·jani Rani Reserve Forest ning·o donggipa Moirapur songni manderang bang·a bilsirangoni buringni mongmarang chadrapanichi neng·nikanirangko man·an baksana sepangjolo donggipa Rangamati songni manderangba nangchakeako man·aha. Jolo songdonggipa manderangni aganani gitade, bang·a changon Meghalaya a·bri jolni mongma jinma re·baenba mi misirang aro nok jamrangko nosto ka·e galan baksana badiaba somoirangode mandeni janggikoba gimaataona soka.
Gama ge·anirang batroroani baksana bolrangko den·rimrimani aro manderangni songdong a·chaani batrorobaani a·sel mongmarangni dongram biaprang gimaroroanganichi, mongmarang mande songona re·bana draatako man·enba mande aro mongmani gisepo nanggrikani ong·enga ine u·i-ma·sigipa dolrang u·iataha. Iani a·selan mongmarang buringo cha·ani ringani dongjae cha·ani sandibaroroenba, mande songdongram biapona napbana nangao ga·akenga. Indake ong·engon, bang·a mongmarangba bijolini silitingrang nangako man·e ba bisi gnang cha·anirangko cha·mane siskaenga.
Forest Department-rang mikrakatani kattarang jekai “Beware, Elephant’s Corridor Area”-ko see donnan baksana songni manderangna mongma-oni adita naljokani nangan bosturangko suale on·angaha indiba, ia ja·ku de·anirangara chu·onggipa ong·ja ine songni manderang aganangskaaha. Mande aro buringni matburingrangko naljoke rakkina gita songni manderang a·dok sorkariko mangrakgipa aro pangkamgipa ja·ku de·anirangko dakchina didiataha.
Na·simang iakoba nina man·gen:
Na·simang iakoba poraina man·gen: WGH-o me·chik saksako rim·sruke til·ekdraa ine mande saksani kosako FIR ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
