Shillong, Naitung 16: U Myntri Rangbah ka Jylla u Conrad K Sangma hynne ka sngi Palei, ula ong ba ka Meghalaya kala pyni ia ka jingkiew shaphrang ha kiba bun ki bynta ba iadei bad ka koit ka khiah katkum ka kaiphod jong ka NFHS-2025.
Hadien ba la dep lum ia ka jingialang khmih bniah halor ka tnad ka koit ka khiah, u Sangma ula ong, ba kitei ki jingtip (Data) ki pyni ia ka jingseisoh ka jingshimkhia ka sorkar ha katei ka liang.
“Ka jingleh bha ka Meghalaya ha baroh ki liang, kala kiew sted bha. Kane ka pyni ia ka jingpyrshang jong ngi ha ka liang ka koit ka khiah ka la pynmih ia ka jingseisoh” ula ong.
Ha kane ka jingialang ka iakren ruh halor ki jingtei kiba iadei bad ka koit ka khiah.
U Conrad Sangma ula ong ba ki jingtrei ha ki District Hospital, PHC, CHC bad Sub-Centre kila iaid bha shakhmat bad ka sorkar kan sa shim shuh shuh ia ki sienjam ban pynkhlain ia ki jingtei ha ki shnong ki thaw.
Ha kaba iadei bad ka jingpule ha ka liang ka koit ka khiah (Medical Education), ula ong ba ka Shillong Medical College kala don mynta ha u snem baar bad shen ka Batch kaba thymmai kan sa leit ban rung noh. Ka sorkar kala mynjur ban pynbun ia ki jingtei bad ia ki nonghikai ha ki wat ban kynjoh ia ka jingbuh kyrdan ha ka ri.
“Ngi lah iakren ruh halor ka Tura Medical College, ha kaba 3 sien jong ka jingpynrung kam kadei kaba la lah ban pyndep” la bynrap u Sangma.
Pule ruh : “Ka mane Blei ka dei ban long ha jaka shimet, ym ki Ophis Sorkar”, ong u MLA ka BJP
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
