Shillong, Feb 12: Adita salrangna skang East Jaintia Hills-o niam gri chalaienggipa koela a·damo goprete sak 30 manderangni janggi galani bidingo Meghalaya Police sakgni manderangko rim·dapaha.
Rim·ako man·gipa manderangara Sutnga-ni Process Dkhar aro Umlawang songoni Tensing Suchiang ong·a.
“Sakgni manderangko chinga rim·dapaha. Uamangoni saksara koela a·damni nokgipa aro sakgipinara niam gri chalaienggipa koela a·damko nirokatenggipa mande ong·a,” ine Superintendent of Police (SP) Vikash Kumar parakataha.
Iana skangba, police-rang koela a·damo kam ka·gipa sakgni, Jalaphet Pordung songni Forme Chyrmang (36) aro Sutnga Pohwaiolong-oni Shamehi War-ko rim·aha aro uamangko sal 14-na pattokona watataha.
Uandake, police-rang niam gri koela cho·anirangko dakenggipa dolrangko, uandake tangka-paisarangko on·e dakchakenggipa aro a·damoniko koelarangko salrurae on·enggiparangko u·ina am·sandianirangko dakenga.
Indake ong·engon, samtangtangko nisiani aro manderangni naljokanina kengnirang dongani gimin National Green Tribunal (NGT) 2014 bilsion Meghalaya a·doko iandake koela cho·e bikotanirangko beng·ahachim.
Na·simang iakoba nina man·gen:
Na·simang iakoba poraina man·gen: M’laya-o koela a·damo gopretanichi janggi galgiparang sak 32-ona tang·doa, 4,800 MT koelarangko am·sandie man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
