Shillong, Mar 18: Khasi Students’ Union (KSU) Delhi Unit aro Special Police Unit for North‑East Region (SPUNER), mande noko kam ka·na ine Delhi-ona rimangako man·gipa aro jamano Haryana-ona rimange noti-darini kamko ka·na draatako man·gipa East Jaintia Hills, Meghalaya-oni bilsi 15 ong·gipa aro bilsi 18 ong·gipa me·chikrangko naljokataha. KSU Delhi Unit-ni President Marbaniang Khongwir-ni aganani gitade, ia me·chik bi·sarang kena man·chakjae uamangni nokdangni manderangna koborko on·ataha aro jamano uamangni nokdangni manderang KSU-na u·iataha.
uamang SPUNER-na u·iataniko dakatskaaha. Indake apsan am·sandienggipa dolrang uamangko sandienba Haryana-oniko naljokatna gita man·aha. KSU-ni aganani gitade, Meghalaya-oni Delhi-o kam ka·enggipa saksa uamangni ma·gipa pagipana u·iatgija ia me·chik bi·sarangko rimangaha. KSU, ia naljokataniko chu·sokatna dakchakaniko on·gipa ARC Meghalaya House-ni Sabrina aro SPUNER-ni Joint CP Nabam Gungte baksana SPUNER-ni naljokatgipa dolrang jekai Sub-Inspector Ngalung Wung, ASI Naveen Kumar, HC Satish Kumar aro W/CT Lalrinhluni-ko de·mitelataha.
Naljokata man·gipa me·chikrangna counseling-rangko on·a tariengon, Meghalaya-o donggipa uamangni nokdangrangni manderang baksa gronggrikatna kamrangko ka·engkua ine KSU u·iatangaha.
Na·simang iakoba nina man·gen:
Na·simang iakoba poraina man·gen: Janitia-rangni reservation-ko watchanganina JSU MPSC-ko jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
