Shillong, August 3: Meghalaya adokni Home Minister, Lahkmen Rymbui, Bernard Marak-ni kosako badi ka•anirangko a•dokni Police dol name sandirikkotanirangko dakenga ine August 3 tarik-o kobor ratimgiparangna aganaha.

Kakket a•selrangko talna gita nanga kamrangko ka•engon darang mandekoba police dol niamni a•palo sinjete kam ka•anirangko dakangjawa ine kobor ra•timgipa manderangna Rymbui u•iataha.

Tura-ni Superintendent of Police-ko kamni biaponiko ra•jitatjawa maina a•sel ong•ani kosako sandirikkitani kamrangko uni jakchin dakenga ineba janapataha.