Nongpoh, Jymmang 28: I wei i heprit ba dang 8 snem kyrta I la lait salit na ka jingshah rahbor, ha ki katto katne ki briew kynthup uwei ba dei kynja Pasan da ka jingthmu ban die ia i tei i heprit.

Kane ka jingjia kala jia ha ka 27 tarik Jymmang ha ka por 7:30 baje mynstep ha kawei ka shnong ha Ri-Bhoi District.

Kat kum ka khubor, la iathuh ba ki bahaiing kila ujor da ka ejahar halor katei ka jingjia pyrshah ia une u kynja Kpasan ha ka 28 tarik Jymmang bad ki Pulit kila leit ban kem noh ia utei u briew ban pynlong ia ka jingtohkit.

Kat kum ka ejahar, la iathuh ba ine i heprit katba I dang iaid lynti hala shnong, kynsan kynsan la wan mih une u kynja kpasan uba la khot ia I ban leit thied jingtied bad u. La iathuh ba ine I heprit ila kyntait ban leit pynbna une u kpsan ula thap ia I bad pynshong jubor ha ka thuk thuk bad kit pat sha kawei ka shnong.

Ka ejahar ka ong ruh ba ynda poi ha kawei ka jaka, la ap sa lai ngut ki briew kibym ithuh ha ryngkat bad artylli ki thuk thuk bad kine ki briew kila iakren ban thep ia ine I heprit hapoh ka byrni bad ban die ia i.

Ka iathuh ba ine I heprit haba iohsngew ia kane, ila iaksaid bad ioh phet bak na kane ka jaka bad ban pyrta jingiarap. La ong ba arngut ki briew kiba dang trei pipe um, kila iohsngew bad mar mar kila leit iarap ia ine I heprit bad kine ki runar kila phet krad na kane ka jaka.

Hadien kane, kine ki nongiarap kila leit ban aiti noh ia ine I heprit sha u Rangbah Shnong jong kane ka shnong bad hadien la pyntip pat sha ki bahaiing hasem.
Ki Pulit kila sdang ban tohkit ia kane ka kam bymman bad ka jingthwet ia kiba lait phet ka dang iaid shakhmat.