Tura, June 13: Garo Hills-o bida budiko on•anio chagrongna nangenggipa neng•nikanirangni ma•sie ra•na gita Meghalaya State Education Commission (SEC), Tura-ni dingtang dingtang School, College, Teacher’s Association aro School Education Officer-rang baksa, Tura-ni MBOSE Headquarters-o tom•aniko ong•atangaha.
Ia tom•aniko, Meghalaya a•dokni Education Minister, Rakkam A Sangma dilangaha aro tom•anio Education department-ni Adviser H. M. Shangpliang, State Education Commission-ni Chairperson, Prof. S. M. Sungoh, SEC-ni Adviser Prof David R Syiemlieh, SEC-ni sakgipin Adviser TT Ch Marak, West Garo Hills a•jani DC, Jagdish Chelani aro gipin official-rangba dongpae bak ra•angaha.
Ia tom•anio, Tura, Ampati aro Baghmara-ni DSEO aro DMC-rang, dam 6 sub-division-rangni SDSEO-rang, Govt. aro Govt. Aided School aro College-rangni Principal-rang, DIET aro CTE-ni Principal-rang aro Teacher’s Association-ni memborrang dongpae bak ra•angaha jeon, uamang an•tangtangni chagrongenggipa neng•nikanirangko SEC-na parakangaha.
West Garo Hills a•jani Deputy Commissioner, Jagdish Chelani-ba, mikkangchi chatro chatrirangna bidako on•anio namdapatna nangchongmotaniko niksamsoe aganan baksa, mikkangchi chatro chatrirangni janggi tanganio namgniko on•a man•a gita uamangni poraiani curriculum-o, rongtal an•talani aro tangka paisani hisapko rakkiani bidingo skie on•anikoba ra•gatchina ku•pattiangaha.
Ia tom•anio mongsonggipa sing•anirangna chanchirimaniko dakanganiara, bidako on•anio gital niamrangko ra•gatani chong•motan, National Education Policy 2020-ko ra•gatani bidingo aro uarangko institution-rango ra•gate ja•rikanio maidakgipa neng•nikarangko man•engachim, uarangni bidingo chanchirimanian ong•a.
Ia tom•aniko ong•atani bidingo a•dokni Education Minister Rakkam A Sangma, Hub News baksa agangrikengon, gitalgipa niamrangko ra•gate ja•rikanio neng•nikarangko chagronggenchimoba, iandakgipa sa•dikanirangko cha•totesa chu•sokgipa ong•gen aro a•dokni pilak nangnikanirangko on•a gita sorkari chu•gimikan kang•kare kamanaha ine aganaha.
Una agreba, DIET aro CTTCS-o D.El.ED course-ko poraienggipa, 1st aro 2nd year Pre Service Student Teacher-rangna scholarship-ko on•anio fund-rang chu•ongjaenga ine jangbingbangani bidingo janapengon, Teacher Trainee-rang iani bidingo jajrengna gita nangjawa maina, 1st aro 2nd installment-ko ru•utgijan uamangna Department-ni gita watatgnok ineba ua talataniko on•angaha.
Na·simang ia video-koba nina man·gen:
Na·simang iakoba poraina man·gen: A•doko lekka poraniko tang•dobatatna Tura Christian College-o program-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
