Shillong, Sept 12: 2025 Autumn Session-ni bon·kamgipa salo, Meghalaya Legislative Assembly-ni Speaker Thomas A. Sangma, Raksamgre-ni MLA Limison D Sangma-ko pilakni namnikanio Assembly-ni gital Deputy Speaker-na seokaha ine parakataha.
Adita salrangna skang Timothy D. Shira-ni Deputy Speaker-ni kam-ko watani ja·mano ia seokaniko dakaha aro opposition-oni candidate dongjani gimin, gital Deputy Speaker-ni kamna pilakan ku·monge Limison D. Sangma-ko seokaha.
“Angna ka·dongni gimin, opposition-ni manderang an·tangtangni candidate-ko mingjaha ine anga bebera·a. Anga angni party-ni ka·rimskarang aro opposition party-ni manderangko angko seokahanina mitelbea,” ine Limision D. Sangma parakataha.
“Ia kam-na seokaniko man·e, anga darangna chakgija pangnan jatchigriko dongna nanggen. Ruling party-niba ong·ba ba opposition-niba ong·bo, pilakkon apsangrik dake mikkang nitegija dongna nanggen,” ineba ua janapaha.
Assembly-ni session-rangko member-rangan bilakbatatna man·a inenba ua an·tangni kamrangko namedake ka·na jotton ka·gen ine aganaha. Unbaksana, ua an·tangni constituency-ni nanganirangkoba galjawa, aro Deputy Speaker ong·ani aro Raksamgre-ni seokgimin Legislative member ong·ani kamrangko minggnikon ka·anggen ine ku·chake on·angaha.
“Chinga jeo man· a, gital chanchianirang aro gita technology-rangko jakkalna jotton ka·gen aro Speaker baksa bakrime namgipa ranta ka·anirangko dakna aro manderang baksa chanchirimanirangko dakna jotton ka·gen,” ine ua mikkangchina re·mikkanganina an·tangni niksamsoanikoba parakataha.
“Anga angni party-ko aro opposition-ko ango ka·donganina mitelbea, aro anga ia biapko ra·e manderangna kakketaniko aro namako dakna jotton ka·gen,” ine ua bon·kame aganangaha.
Na·simang iakoba nina man·gen:
Na·simang iakoba poraina man·gen: Bodo Accord-ko chu·sokatna Assam CM ku·rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
