Shillong, Mar 11: Mahendraganj aro Mawphlang-o Science aro Commerce College-rangko rika matchotsrangkujaengoba, chatro chatrirangni poraianio nangchakeanirang dongjana gita ia college-rango class-rangko bakan a•bachenggnok ine Mongolbar salo, Meghalaya a•dokni Chief Minister Conrad K Sangma parakataha.
Assembly-o sing•anirangna aganchakaniko on•angengon, ia college damgniko rikanio somoi nangkuengani gimin chatro chatrirangni poraianio maming gimaani dongjana gita je matchotgimin classroom-rangon sorkari, class-rangko a•bachengatna miksongenga ine Sangma aganaha.
Ia college building-ko rikenggipa contractor-rang ta•raken matchotchina sorkari niatgen ineba ua ku•rachakaniko on•angaha.
Iana skang, a•dokni Education Minister Rakkam A Sangma, Mawphlang Science & Commerce College-ko rikani bidingo talate on•angengon, ia kamko 2025 bilsini March jao matchotatna somoiko tik ka•taiaha aro da•o dipet kamrang 86 percent-ni gita matchotaha ine parakataha.
Mahendraganj-ni Bahsapara-o rikenggipa Science & Commerce College-ni bidingo janapatskaengon, ia college-ko 2026 bilsini March 31 tariko matchotna somoiko tik ka•taiaha aro da•o dipet kamrang 66 percent-ni gita matchotaha ine Education Minister parakataha.
Education Minister-ni parakatani gitade, Mawphlang Science & Commerce College-na ma•mong sorkari, bak 10 baksa dake gong crore 36.55-ko 2017 bilsini June 30 tariko chamataha aro ianoni gong crore 31.1685-kode watatmanaha.
Mahendraganj-ni Bahsapara Science & Commerce College-naba ma•mong sorkari, bak 10 baksa dake gong crore 36.31-ko 2017 bilsini June 30 tariko chamataha aro ianoni gong crore 23.5274-kode watatmanaha ine Sangma aganaha.
Na·simang ia video-koba nina man·gen:
Na·simang iakoba poraina man·gen: South Salmanpara Mankachar-o tol·e birth certificate-rangko tarianina saksako rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
