Jowai, Apr 17: Jaintia Students’ Union (JSU)-ni Jowai Circle Sukorbaro Jowai Post Office-ni Chief Postmaster-ko grongaha aro kamo rakkigiparangni kosako manderangni matnanganio pangchake action ra•china dabiaha.
“Songdonggiparangna uamangni bosturangko sokatengon mandera•gija, kragija aro dal•ampa dakbewalrangko manderang u•iataha, jean Jaintia Hills-ni manderangna onia ka•ani aro gisik saataniko ong•ataha” union-ni padot Born Rupon aganaha.
Gronggrikanio, postal regulations ba niam-bewalrangkoba Union bikotaha.
“Indakgipa bewalranga Post Office Act, 2023 aro Post Office Rules, 2024-ko niam pe•ani ong•a, kamo rakkigiparang customer-rangko mandera•an baksa daito gnange aro dal•ampa dakgija niamrangko ja•rikesa dangdike on•na nanga,” ua aganaha.
Nama ja•ku de•anirangchi nambatatchina Chief Postmaster-na memorandaum-ko on•aha, apsankon Superintendent of Post Offices, Shillong-naba tikataha.
Union-ni talatani gitade Chief Postmaster uarangko namatna ku•chakaha.
“Indake ong•anirangko Chief Postmaster dingchike ra•na ku•chakaha aro manderangna dakna nanggnirang aro niamrangko separakna ku•chakaha – Hindi aro English ku•sikrangchisan ong•aigija Khasi ba local ku•sikrangchiba, jedakode songni ba diltua biaprangoni manderangba daksretani aro neng•nikataniko chagrongjawa” Rupon u•iataha.
Indaka kang•kare kae ra•aniko JSU ra•chaka aro obostarangko simsake nirikkiangkugen ine ua aganaha.
“Namatna ja•ku de•anirang somai gita be•en pil•jaode, Jaintia Hills-ni manderangni bil aro rasongko naljokatna Union rakbata ja•kurangko ga•na draataniko man•gen” ua mikrataha.
Na·simang iakoba nina man·gen:
Na·simang iakoba poraina man·gen: TTAADC election-o chegopani ja•man TIPRA Motha-ni dilgipa, BJP-ko matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
