Guwahati, May 23: Guwahati Police walni somoio am∙sandianirangko dakenba, Basistha sepango mang 26 nikronggijagipa Toky Gecko-rang ba gokeng rokomsako badingsrukna rim∙e ra∙angna jotton ka∙mitingko rim∙a man∙aha aro sakgni badingsrukgiparangko rim∙aha.
Rim∙ako man∙gipa manderang Nagaon-o songdonggipa Ikramul Hussain aro Barpeta-oni Jamiruddin ong∙a.
Gokengrangko rim∙e ra∙angani koborrangko man∙soe Gorchuk Police am∙sandianirangko a∙bachengataha.
“Tokay Gecko-rangko Karbi Anglong-oniko Guwahati-ona motorcycle-o ra∙baa aro a∙dokni a∙palrangni ISBT gita ra∙angna tarisamsoengachim. Uamang matburungrangko ra∙angna skang chinga am∙sandie uamangko nikaha,” ine saksa police official parakataha.
Rim∙gimin Tokay Gecko-rang niam gri badingsrukanirangko dakanio namen dam raka, aro mangprakni dam-an lak 10 tangkarangna bata ine official-rang aganaha.
Rim∙gimin gokengrangni dam gimik-gimang Kror 3 tangkarang ong∙a.
Am∙sandianirango nikjana gita, gokengrango wa∙sing ning∙arango chipe namedake donnuaha.
Ia obosta ong∙anichi wildlife-ni manderang aro ua jolo songdonggiparang jajrengataniko man∙aha, maina nikronggijagipa burungni matburungrangko badingsrukanina Wildlife Protection Act-ni ning∙ao bilakgipa sasti gnang.
Ia badingsrukanio dingtang dingtang a∙dokni badingsrukgipa dolrang bak dongama dongja uko u∙ina police da∙o namedake am∙sandianirangko a∙bachengataha.
Na·simang iakoba nina man·gen:
Na·simang iakoba poraina man·gen: Tura-o outreach program-ko ong•ata, adita manderangni neng•nikanirangko man•engani gimin Meghalaya a•dokni CM, nipiltaianiko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
