Tura, May 22: Tura-ni Matchikolgre biapo ong•atanggipa “MLA Connect” program-o smart electricity meter-rangni name ka ka•gijanina aro jabolrangko galramramanirangko nirokchina, Meghalaya a•dokni Chief Minister Conrad K. Sangma sukrobar salo official-rangko ge•etangaha.
Songadam nokadam-rango namroro silroroaniko ra•banirango bilakbatatna aro manderangni namdapanirangko ra•bana kam ka•anirango bak ra•anirangko bilakbatatnagita ong•atgipa ia program-o gittim-ni manderangni a•dita neng•nikanirangko chagrongengani chongmotan rama namgijani, chirangko name watgijani, bijolina sokbagipa bill-rang agreani aro manderangna nangipa bosturang chuongijani gimin agnanirangko knanangna man•angaha.
Manderangni chagrongbatengipa neng•nikaniara, ramarang namgijani a•sel jabol ra•na re•bagipa garirangni adita nokkona jabolko ra•na re•angna man•gijani gimin aganbataniko niknagita man•aha.
Conrad k. Sangma manderangni neng•nikanirangko man•engani gimin aganchankangengon, Tura Municipal Board (TMB)-ko manderangni nokoniko dontongija jabolrangko ra•na re•angchina gita aganangenba mikka wakarini somoirango aro gari dal•gipa re•na man•gijagipa jolrango 4×4 garbage collection vehicles ba gari chakka rongbri dongiparangko on•china gita sorkariko agananggen ine ua agandapangaha.
Manderang uajolo donggipa non-government primary school-rangni namgija obostao ong•e dongengani giminba janapanagaha.
Jolni youth organisation ba chadambe dolrang basketball court-ko tarie on•china aro chadamberangna dingtang dingtang nanganirangko on•e dakchakchina gita mol•molangaha.
Chief Minister uamangni nang•nikanirangko chu•sokatna ku•mitchetangenba uamangko sports-o bak ra•atan baksanaba jatni dakbewal rikbewal-rango bak ra•china didianiko on•na gita musical instrument-rangkoba on•na parakataha.
Indake manderang smart meter-rangko chate on•ani ja•man biljolini bill bang•e sokengani gimin aganangaha. Iani bidingo Meghalaya Energy Corporation Limited (MeECL) -rang talate on•angaenba , sombar salo maini bill-rang bang•e sokengani gimin a•selko re•ange nirokaniko daknagita ku•pattiangaha.
Indake jolni manderang, nokdangrang jerangan noktangtango chirangko sale jakkalna cholgrigiparangna, chirangko sale on•china mol•molangaha. Iani gimin bak donggipa department-rang baksa chanchirimaniko dakanggen ine, Chief Minister aganangaha.
Manderangni neng•nikani a•selrangko ma•sie dakchakna cholrangko bikote on•na, da•o ong•atengipa economic census-o tik ong•e bak ra•china gita Chief Minister manderangko didiangaha.
Tura songjinmao namdapaniko silroroaniko ra•bana gita sorkari manderang baksa apsan nangrime kam ka•esa ra•bana gita man•gen ine Conrad K. Sangma aganangaha.
Na·simang iakoba nina man·gen:
Na·simang iakoba poraina man·gen: Songadam nokadam-rango songdongengiparangna dakchakaniko on•na ICE Campaign-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
