Imphal, May 13: Mongolbar salo, bobil dake chakatgipa dolrang Manipur-ni Kangpokpi a•jao Thadou Baptist Association-ni (TBA) membor-rangko salangenggipa bolgni garirangko chadrape slai goe sakgni manderangni janggiko ra·aha aro bang•a manderang saknaako man•aha. Ia obosta ong•anichi bang•a biaprango so•sojengjeng ong•aha aro a•dokni mongsonggipa re•a-doani rama National Highway-2-ko chipe donaona sokaha.
Sianggipa mondolini dilgiparangara Manipur Baptist Convention-ni (MBC) gitcham General Secretary Rev. V. Sitlhou, Rev. V. Kaigoulun aro Pamong Paogoulen ong•a. Koborrangko man•soani gitade uamang Lamka-o TBA-ni tom•bimonganio bak ra•enba Churachandpur a•jaoni Kangpokpi-ona re•bapilengmitingo silchidare ra•bitgipa bobil dake chakatgipa dolrang Kotzim aro Kotlen jolrangni gisepo uamangko gosoaha.
Ia chadrape goanio janggi galgiparangna agreba sakbongamang manderang saknaanirangko man•aha. Uamangni bimungrangara Rev. SM Haopu, Rev. Hekai Simte, Rev. Paothang, aro gari salgipa Lelen aro Goumang ong•a. Ia obosta ong•anina Kuki-Zo manderangni songdonggipa jolrango namen ding•chaoanirang ong•aha, uandake Churachandpur a•jani Kuki Students’ Organisation (KSO), Mongolbar salni 12:30 bajioni pilakkon chipna aro darangkoba ong•katjachina hukumko on•ataha.
Jegalaniko dakgiparang NH-2 jolo blockade-ko ong•ataha aro iani a•selan Manipur-oni Nagaland-ona aro a•songni gipin bakrangona dakanggipa ramarango darangba re•na-dona man•jaha.
Dos grigipa TBA-ni dilgiparangko ka•namgija so•otaha ine KSO ia obostako jegalenba a•doko chalaienggipa dilgiparang uamangni songdonggipa jolrango silchidarerangko jakkale so•otanirangko champengna man•jaha ine dos galaha. Bandh ong•atgenchimoba, nangchongmotgipa janggi tangani cholrang, jekai sanna-banani, bijoli watani, media-ni kamrangko ka•ani, aro toromni gita tom•bimonganirangkode dakna on•enga.
Kuki jatrangni dal•batgipa dol, Kuki Inpi Manipur (KIM) ia obostako raken jegalaha, aro silchidare ra•bitgijagipa toromni dilgiparang aro songdonggipa manderangko chadrapaniara namen ka•donggijagipa aro ka•namgijagipa kam ong•a ine aganangaha.
Adita salrangna skang Rev. V. Sitlhou, Nagaland Joint Christian Forum (NJCF) baksa bakrime dingtang dingtang jatrangni meli-nangrimanina Kohima-o ong•atgipa tom•tomanina tom•bimonganio bak ra•angaha ine KIM parakataha.
Ia so•otanirangara tom•tomaniko ra•bana ja•ku de•anirangko dontongatna jotton ka•ani ong•a inenba, ia obostani bidingo namedake am•sandina aro dos dakgiparangko kakket bichalona ra•bachina KIM-ni manderang India sorkariko didiangaha.
A•sel ong•gipa biapo bang•a sipai dolrangko dongtimna rimangaha, aro obostarang namrorojana skang authority-rang ua jolo rakbate am•sandianirangko dakangaha. Manipur-ni a•brini a•jarango so•sojengjenga ong•anirangko bariataha.
Meghalaya-ni Skotong Minister Conrad Sangma-ba, Kangpokpi a•jao TBA-ni dilgiparangko chadrapanina an•tangni duk ong•aniko parakataha. Tom•tomaniko aro nangrimaniko ra•bana kam ka•enggipa dilgiparangni kosako ka•namgijagipa kamrangko ka•aniara ra•chakna man•gijani ong•a aro iako ra•ken jegalna nanga ine ua aganangaha aro dos dakgipa manderangni kosako bilakgipa sastiko on•china Manipur-ni authority-rangko didiangaha.
Na·simang iakoba nina man·gen:
Na·simang iakoba poraina man·gen: PM Modi-ni ja·ku de·a ja·man apsandake Tripura-ni CM-ba Convoy rimbitaniko komiatna DGP baksa agangrikgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
