Imphal, Apr 23: Budbar salo, bilsi 30 ong·gipa Chihanngam Rungsung, Manipur, Ukhrul a·jani Sinakeithei songo Kuki bobil dolrangni guli goako man·e saknaaha. Koborrangko man·soani gitade, attamni 3:30 bajimango uko sniper-chi goaha aro indake una sana bananiko on·a Border Security Force (BSF) post-ona rimanga ja·man, nambata sana bananiko on·a uko Ukhrul District Hospital-ona rimangskaaha.
Lungter Hills-o donggipa bobil dolrangni noktop-oni guli tang·baaha aro ia goa man·gipa mandeara maming kajia golmalo bak dongpagipa ong·jachim ine songni manderang u·iataha. Indake ong·engon, chel·chakgipa dolrang dos dakgipa manderangko rim·na am·sandiako a·bachengataha.
Re·anggipa April jani 18 tariko, TM Kasom-o sakgni Naga manderangko so·otanina, Manipur-ni United Naga Council aro All Naga Students’ Association-ni champengataniko dakatani somoio ia a·sel ong·aha.
Silchidare ra·bitgipa dolrang badiaba songrangko a·kangaha ine songni manderang u·iatengon, uamang nambata chel·chakani aro naljokaniko on·china didiataha.
Na·simang iakoba nina man·gen:
Na·simang iakoba poraina man·gen: Drugs jakkalaniko warachakna Tura-o conference-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
