Tura, Apr 23: Meghalaya a•doko drugs ba pekatgipa samrangko jakkalani batroroengani gimin chadamberangko pekatgipa samrangoni chel•atna gita Bristibar salo, Meghalaya State Commission for Protection of Child Rights (MSCPCR), West Garo Hills a•jani District Social Welfare Office aro District Child Protection Unit baksa nangrime, salsani conference-ko Tura-ni Dakopgre-o donggipa SMELC Hall-o ong•atangaha.
Ia conference ba tom•bimonganiko ong•atanio, MSCPCR-ni Chairperson Agatha K Sangma, tom•anio bak ra•giparangna aganprakangengon, ia jolrango pekatgipa samrang, ta•makkurang aro uandakgipa pekatani bosturangko altuae man•engani gimin mikrakataniko on•angaha.
Meghalaya a•dokara Myanmar gita dakgipa a•songrangni sepango ong•e, drug-rangko altuaen man•enga ine janapatengon, iandakgipa kamrangoni chadamberangko chel•chake rakkina nangengani gimin Sangma aganangaha.
Ia tom•bimonganio, Drug Reduction, Elimination & Action Mission (DREAM)-ni Mission Director Francis Kharshiing, mongsonggipa sokgipa ong•e, jinmana aganprakangskaengon, bilsi bongani gisepon Meghalaya a•doko pekatgipa samrangko bon•atna gita ia program-ni miksonganirangko agan-talate on•angaha. Sorkari department ge•antian aro a•doko songdongenggipa mande sakantian bakrime kam ka•genchimode ia miksongani chu•sokgipa ong•telgen ineba Kharshiing aganaha.
Ia conference-ko ong•atanio dingtang dingtang technical session-rangkoba ong•atangaha aro ia session-rango dingtang dingtang department-ni officer-rang, dingtang dingtang dolni membor-rang aro Local Development Committee-rangba bak ra•e, pekatgipa samrangko chel•chakani bidingo apsan chanchirimangaha.
Na·simang iakoba nina man·gen:
Na·simang iakoba poraina man·gen: Women’s Reservation Bill-ni bidingo Assam-ni BJP jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
