Imphal, Nov 2: Sakbri chadambe dilgiparangko chadrapanio jak donganina Manipur Police Kakching a·jaoniko sakbonga manderangko rim·aha.
Koborrangko man·soani gitade, October 30 tarikni walo, Chandel a·jani sakbri chatrorangko Kakching-Lamkhai-Pallel ramajolo Bijoypur-ni sepango u·ina man·gijagipa manderang chadrapaha.
Kakching Police Station-o segatgimin FIR-o pangchake, matnangako man·gipa manderangko Sukrobar salo rim·aha. Una agreba am·sandie nianirangko dakna ine bolgni garirangkoba police-rang an·tangni jako ra·aha.
Rim·ako man·gipa manderangara Pallel Thong Wangma aro Pallel Chandel Lamkhai jolrango songdonggiparang ong·a.
Sakbri Monsang chadambe dilgiparangko u·ina man·gijagipa manderangni chadrapaniko Sirti Upa Ruh-ni (Monsang Tribe Union) manderangni jegalanirangko dakani salgipino matnangako man·gipa manderangko rim·aha.
May 2023 dipetonin Manipur a·doko Meitei aro Kuki-Zo jatrangni gisepo kajia-golmal ong·anirangko nikna man·enga aro ia obostarango sak 260-na baten manderang siaha aro hajalni hajal manderang noktangtangoni kate chakna nangaha.
A·dokni skotong minister N. Biren Singh-ni kamtangko watani ja·mano ma·mong sorkari Manipur-o President’s Rule-ko ra·gataha. Unoni dipetan sipai dolrang bobil dake chakatgipa dolrangko am·sandianirangko dake, adita sakrangko rim·aha.
Na·simang iakoba nina man·gen:
Na·simang iakoba poraina man·gen: Kamrup-ni Moirapur songni manderang buringni mongmarangni a·sel neng·nikaniko man·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
