Imphal, Mar 4: Sombar salo, Manipur State Assembly-ni gita Manipur a•doko Suspensions of Operations Agreement-ko den•galengani gimin namnikgijaniko mesokna aro a•kaweni dam 19 Police Station-rango AFSPA-ko ra•gattaichina dabienba, Sadar Hills Kangpokpi-ni Committee on Tribal Unity (CoTU) baksa Kuki-zo dolrang nangrimenba, Sadar Hills Kangpokpi a•jao re•jome jingjengataniko dakangaha.
Ia re•jomaanio, dingtang dingtang kattarango segimin lekka paltakrangko ra•enba jingjengatangaha.
![](https://hubnetwork.in/wp-content/uploads/2024/03/WhatsApp-Image-2024-03-04-at-3.30.21-PM.jpeg)
Indake, garirangni re•a doaniko donchange, a•jani pilak dokan dakgiparangko, bading chiwalenggiparangko, educational institution-rangko, office-rangko aro gipin private Institute-rangko, Sombar saloni March jani 5 tarikona chu•gimik konta 24-na chipchina gita CoTU dolrang u•iataha.
CoTU-ni Spokesperson, Kaiminlen Sitlhou kobor ra•timgiparang baksa agangrikengon, ia total shutdown ba chu•gimik chipataniko aro re•jome jingjengataniko dakengani miksonganira, Manipur State Assembly-ni gita, Kuki-zo baksa SoO agreement-ko den•galenganina namnikgijaniko mesokani ong•a. Indake, Manipur Legislative Assembly, SoO gisik on•ana bate da•o Imphal-o ong•enggipa obosta aro niamrangni bidingosa gisik on•batna nangenga aro jekai, A•kawe jolrango AFSPA-ko nangenga apsan daken, a•bri jolrango SoO-ko nangchongmotenga inenba aganaha.
Na·simang iakoba poraie nina man·gen: Nongstoin-o mande saksako matsramgipa bostuchi su•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020