25 C
Tura

Baghmara College-ni Academic Block aro hostel-rangko CM nokdonggae on•a

Must read

Baghmara, Mar 4: Sombar salo, Meghalaya a•dokni Chief Minister Conrad K Sangma, a•dokni Education Minister Rakkam A Sangma, Baghmara-ni MLA Kartush R Marak, a•dok sorkarini Chief Advisor Lahkmen Rymbui aro a•dokni Chief Secretary DP Wahlang-ni dongpaanio, Baghmara-o donggipa Captain Williamson Sangma Government College-ni Academic Block baksana Girls Hostel aro Boys Hostel-koba nokdonggae on•angaha.

Ia gital rikgipa nokrangko nokdonggae on•anganio a•dokni Chief Minister, jinmana aganprakangengon, PA Sangma sagini changchetgipa siani salo una mande ra•pilskaaniko on•angenba, a•doko lekka porako tang•doatna niksamsoani dongani giminsa ia college-na PA Sangma sagi, 2008 bilsio pangchakaniko songe on•angaha aro da•alo South Garo Hills a•jani manderangna ia college-ni Academic Block aro hostel-rangko ua nokdonggae on•na man•skaaha ine parakataha.

Baghmara College-ni Academic Block aro hostel-rangko CM nokdonggae on•a

Bilsi bongana skang Education department-ni dongimin nisanrangko da•o chu•sokatna man•engaha ine janapatengon, mikkangchiba da•o ong•enggipa Education Minister-ni dilanichi lekka porani kamrango bang•en dingtanganiko nikangkuna sienga ine Chief Minister aganaha.

Lekka poranian ia sorkarini mongsonggipa daito ong•ani gimin ia 2024 bilsio a•dok sorkari, Education department-na tangka chamaniko gong crore 27-oni crore 350-ona bariataha ineba Chief Minister parakataha.

Chadamberangni namgnina dingtang dingtang kamrangko ka•na gita sorkari gong crore 3000 tangkarangko chame donataha ineba ua aganaha.

Advertisement

Bilsi bongani gisepon ia Baghmara college-na gital nokrangko rike on•na man•aha ine janapatengon, Sohra, Williamnagar aro Baghmara college-rango Science aro Commerce stream kulina proposal on•aniko bakan Cabinet ra•chakgnok ine Chief Minister parakataha.

Chief Minister-ni aganani gitade, Baghmara Civil Hospital-o ge 150 palangrangko on•dapna gita gong crore 15 tangkarangko DoNER Ministry-ni gita chamatenga aro hospital-o kam ka•enggipa doctor-rang aro nurse-rangna staff quarter-rangko rikna gitaba a•dok sorkari, gong crore 5 tangkarangko chamdapatenga.

Baghmara Govt College-ko nambatsranggipa skie on•chakram ong•atna gita college-o skigiparangko aro chatro chatrirangko bakrime kam ka•china gitaba Chief Minister didiangaha.

Iana skang, a•dokni Education Minister Rakkam A Sangma-ba tom•anio bak ra•giparangna aganprakangengon, ia college-ni academic block aro hostel-rangko kulianiara Baghmara-ni manderangna aro mongsongbate South Garo Hills a•ja gimiknan gisik ra•beani sal ong•gnok ine parakangaha.

Na·simang iakoba poraie nina man·gen: Manipur-o SoO Agreement-ko den•galani gimin namnikgijaniko mesokna Kuki-Zo re•jomae jingjengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article