Guwahati, Sep 13: 2023 bilsini May jaoni Manipur a·doko golmal ong·aoni skanggipa changna a·dokona Prime Minister Narendra Modi-ni re·baaniara ka·dinganisan aro saknaako man·e janggi tangenggipa manderangni kosako chonikanisan ong·aia ine Sonibar salo Congress dol matnangataha.
Prime Minister Narendra Modi-ni Manipur a·dokona bilsignini ja·man re·baania namachim indiba saknaa sa·dika man·gipa manderangni uni re·baaniko nangnikmiting somoio uni re·bagija da·o ru·uta ja·man re·baaniara saknaa man·e neng·nikaniko chagronggipa manderangko chonikani ong·a ine Congress-ni General Secretary Wayanad MP Priyanka Gandhi Vadra aganaha.
Modi-ni konta 3 mang·mangna Imphal aro Churachandpur-o dikdiksana neng·takaniara, relief camp-o dongenggipa manderangni saknae uko okamaoni naljokna mang·mang ong·a ine aganan baksa indita a·doko janggirang gimaatako man·aha aro bang·an saknaako man·an baksa noktang jamtangko gale brangna nangao ga·akaha, ia somoirango ia manderangko grongna re·baani pal ua gipin a·songchisa songree roskaaha ine Congress President Mallikarjun Kharge-ba matnangataha.
Iana agreba, Modi aro Union Home Minister Amit Shah, Manipur a·doko golmal ong·aniko champengna aro tom·tomaniko ra·bana man·jaha batesa President Rule-ko ra·gate sason ka·aha aro iako dakaniara uamangni bilgrianiko mesokani ong·a ineba ua agandapaha.
Na·simang iakoba nina man·gen:
Na·simang iakoba poraina man·gen: 3-gipa Machong Football Tournament-ko Williamnagar-o a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
