Williamnagar,July 26: East Garo Hills Police, re·anggipa July jani 18 tariko Williamnagar, Samgong-o me·chik saksako so·otani bidingo koborrangko parakatengon, technical kamrango nikchangani a·sel, jak donggipa James R. Sangma-ni mikkangko u·iatgija pinikat man·ahanina Hub News-ni gita poraisoenggiparango kemako biattenga.
Journalistic code of ethics-o pangchake, bilsi sokkugijagipa bi·sarang, aro me·chikrangni mikkangrangko donnuronga. Indiba ia obostao, ia niamko ja·rikaha. Uandake, case-ni nangnikani kri da·o James R. Sangma-ni mikkangko parakatenga.
Indake ong·engon, police-rang James R Sangma-ko donnujachina ba una dakchakaniko on·jachina manderangna mikrakataniko on·ataha. Ia kate chakenggipa mandeniko kosako, Williamnagar Women’s Police Station-o Bharatiya Nyaya Sanhita (BNS) 2023, Section 103-ni ning·o Case No. 13/2025-ko segataha aro ia matnanga man·gipa mandeko saobarang donnue katna dakchakengakon inenba police-rangni official press release-o parakataha.
Ia dos dakgipa mandeko saoba donnue katna dakchakenga ong·ode, ua mandeko BNS Section 249-ni ning·o bilsi 5-na pattok ning·o donatako man·gen ineba police u·iataha. Police dolrang, Sangma-ni dongchakenggipa biapni gimin saoba u·igenchim ong·ode, Superintendent of Police ba sepangbatgipa police station ba je police officer-naba somoiko galgija koborrangko on·chinaba manderangko didiataha.
Na·simang iakoba nina man·gen:
Na·simang iakoba poraina man·gen: EGH police, so·otanina matnangako man·gipa mandeko donujachina ba dakchakaniko on·jachina mikrakataniko on·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
