Tura, Jan 14: West Garo Hills a•jani Araimile Police Station ning•o donggipa Walbakgre-oni me•chik sakgniko social media-o matnange post ka•ani gimin police-rangna FIR ka•doangaha.
Mebi R Marak aro Sheiela Ch Sangma-ni Araimile Police Station-ni officer-in-charge-na FIR ka•anio parakani gitade, Tribal me•chik aro gipin jat me•asako bia ka•atani ja•man January-ni 12 tariko, social media-o gipangahachim. Ia me•chik aro me•asako Tura-ni Holy Cross-o bia ka•ataha ine social media-rango janapahaoba, St Luke Church-osa bia ka•ataha ine FIR-o janapaha.
Ia me•chik aro me•asako bia ka•atanio uamang sakgnide maming bak dongpaja aro bia ka•na maharini tom•anirangoba uamangde dongpaja ine janapatengon, uamang an•tangtangde ia bia ka•ani bidingo manderangni jangbingbanganikosa knasopaaha aro maharirang an•tangtangsa ia me•chik aro me•asako bia ka•ataha ine me•chik sakgni, FIR-o parakataha.
Iani bidingo name sandichenggija aro uamangoniko sing•sandichenggija badiaba manderang, uamang sakgniko matnange, ‘ACHIK HQ TURA’ ingipa Facebook page-o post ka•ataha ineba FIR-o parakaha.
Kakketko ma•sichenggija uamangko matnange social media-o post ka•atahani a•sel uamang, manderangni kragija dake intek-soltekako man•aha ine suk ong•gijaniko parakatengon, uamangko kragija kattarangchi matnange post ka•ahani gimin ‘ACHIK HQ TURA’ Facebook page-ni administrator aro iano jak donggipa gipin manderangni kosako rakgipa ja•kurangko de•china ia me•chik sakgni, FIR-o police-rangko didiataha.
Na·simang iakoba nina man·gen:
Na·simang iakoba poraina man·gen: Tura Medical College-ko a·bachengatna sorkari kamko ka·enga: Health Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
