Shillong, June 9: Indore songjinmaoni bia ka·daldal jiksesa Meghalayaona songrebae ong·nanggija a·sel ong·anirang Indiani pilak biaprangon giproroaha. Bang·a manderang Meghalaya a·dokko ong·gija chanchisretaha aro namgija kattarangchi agangiparangba dongpilaha. Meghalaya Police dolrang an·tangtangko on·kangmanchae ia a·sel ong·aniko sandiaha. Uamangni kingkot kam ka·anichi da·alo ia pilak kamrang parak ong·aha.
Ning·tue sandianiko dakanichi Sonam baksana uni mikchagipa bilsi 21 ni pante Raj Kushwaha aro gipin sak 4 dos donggiparangko rim·na man·aha.
Meghalaya policerangni on·kange kamko ka·ahanina skotong minister Police dolko delmittele aganaha. Ian namen rakbegipa kam ong·achim, indiba Police dolrang iana rakbee kam ka·aha. Iana Madhya Pradesh aro UP ni Policerang dakchakbeaha aro indaken dos donggiparangko rim·na man·aha ineba skotong minister Conrad K Sangma aganaha.
“Je manderangan aro kobor on·timgipa dolrangan Meghalaya a·dokko ong·gija kattarangchi saiaha aro chonike, tol·drake videorangko tariahachim uamang Meghalaya ni manderango kema bi·na nangchongmota. Meghalaya a·dok gipinoni songrebagipa manderangna chelchakaniko on·gipa ong·a aro mikkangchiba chinga iano namekai kam ka·angkugen, chelchakkugen” skotong minister Conrad K Sangma aganaha. Meghalaya a·dok pilak jatni manderangnan naljokgipa biap ong·a” ineba ua aganaha.
Na·simang ia video-koba nina man·gen:
Na·simang iakoba poraina man·gen: Bilsi sokkugijagipa bi·sarangko til·ek-an·chaani jawilwat aro noksarangko tarianina Mizoramni mande saksako CBI rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
