Shillong, June 9: Hynniewtrep Youth Council (HYC) aro Confederation Of Meghalaya Social Organisation (CoMSO) dolrangko man·chape, Meghalaya a·dokni dingtang dingtang sinjetaniko on·gipa dolrang, Raja Raghuvanshi-ni siani aro Sonam Raghuvanshi-ni dikdiksana gimae donga jaman, kattarangko talchenggija, maming sakki gri Meghalaya a·dok sorkari aro jolo songdonggipa manderangni kosako kragija kattarangko aganani baksana a·dokna namgija bimungko on·ahanina, national media-ni badiaba dolrang baksana sianggipa mandeni nokdang aro dos dakgipa Sonam-ni nokdangkoba maming agandapani gri jinmao kema bi·china dabianiko dakataha.
Hynniewtrep Youth Council (HYC), dingtangmancha sianggipani adagipa Vipul Raghuvanshi aro dos dakgipani pagipa Devi Singh-ko mongsongbate, am·sandianiko dakmiting somoio jinmani mikkango Meghalaya police aro a·doko songdongenggipa manderangni kosako tole matnangatani baksana chonike kattarangko aganahanina matnangataha. Ia sakgni manderangan tol·gipa kattarangko giproroatenba, a·dokko aro a·dokni manderangko a·gilsak gimikna namgija dake mesokataha. Indake ong·ani gisepon, jolo songdonggipa manderang tom·tom dongenba, jakbikpilaniko dakjaha aro batesa police dolrangna am·sandianiko dakanio dakchakanirangko on·angaha ine uamang u·iataha.
Iani gisepon, Confederation Of Meghalaya Social Organisation (CoMSO) dol, Inner Line Permit (IPL)-ko a·doko ra·gatna ru·uta somoirangna dabibaenggipako janaptaienba Meghalaya a·doko iako ra·gatchina gitaba HYC dabiataha. Uamangni aganani gitade, ian a·dokona gipin biaponi re·bagipa manderangko u·ina man·an baksana jolo songdonggipa manderangni dakbewal rikbewalrangni bidingo ma·sisretani ba chonika man·aoniko champengna gita man·gen. Da·o songrebagiparang aro a·dokona re·bagiparangko segatani system-rang namen bilgrigipa ong·a, jeni a·selan a·doko maiba a·sel ong·ode jolo songdonggipa manderangsa matnanganiko man·ronga ineba uamang janapataha.
CoMSO, a·dokni Skotong Minister Conrad K Sangma-ko jatsa jatgipinni gisepo ka·o nanggrikanirangko giproroatgipa aro a·dokni kosako kragija kattarangko agangipa manderangni kosako niam-ni gita rakgipa ja·ku de·anirangko dakchina didiataha.
Uasan ong·aigija uamang, India sorkariko, Parliament-o officially talataniko on·china ba Home Ministry-ni gita Meghalaya police aro gipin dolrangni kosako tol·e matanganirangko warachakenba chakpaaniko on·chinaba mol·molaniko dakataha.
Bon·kamao, sinjetaniko on·gipa dolrang India a·songni gipin bakrango donggipa manderangna, Meghalaya a·dokni bidingo manderangni skatang agananirangko knae bebe ra·ainabe, maina Meghalaya a·dok, tom·tomgipa, niamrangko ja·rikgipa, mande ra·ako man·a kragipa, mikkang niateani grigipa aro gipin a·songni bakrango gitan ma·sichakgrike janggi tanggipa a·dok ong·a ine u·iataha.
Na·simang ia video-koba nina man·gen:
Na·simang iakoba poraina man·gen: Meghalaya a·dok pilak jatni manderangna naljokgipa a·dok ong·a ine Conrad agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
