Shillong, July 27: Meghalaya a·doko donggipa Babadam Primary Health Centre (PHC), India sorkarini Ministry Of Health and Family Welfare-oniko National Quality Assurance Standards (NQAS) Certificate-ko man·aha. Ian Garo Hills-o donggipa PHC-rangoni skanggipa award-ko man·chenggipa ong·a, jean ia centre-o sagiparangna nama sana bananiko on·ani, biaprangko rongtale rakkiani, sabisirangko name champengna man·ani aro namgipa nirok simsakanirangko mesoka.
Babadam PHC-ni Health Program Manager, Sr. Riya, ia chu·sokaniko Nokgipani pattiani, dolni rake aro on·kange kamrangko ka·ani a·selsa man·aha ine aganan baksana, sana bananiko namdapatna aro manderang baksa meli nangrimaniko mangrakbatatna Internal Performance Agreemwnt (IPA) model-ko nangchongmotani giminba ua aganangaha.
IPA model-ko ja·rikgipa dam 122 Health Centre-rangoni Babadam PHC-ba damsa ong·paa, jean World Bank-ni dakchakaniko man·enggipa Meghalaya Health Systems Strengthening Project (MHSSP)-ni bak ong·a. Ia model-o, an·tangtangni health center-rango sana bananiko nambatatna didiani gita nambate dakgipa center-rangna tangka paisani gita dakchakanirangko on·a.
Adita jarangna skie on·ani aro tarisamsoa jaman Babadam PHC ia chu·sokaniko man·aha. IPA funding-ni gita Joint Directorate Quality Committee-ba chakpaani aro rama mesoke on·anirangchi iana dakchakaniko on·enga.
Na·simang iakoba nina man·gen:
Na·simang iakoba poraina man·gen: Assam, South Salmanpara-ona niamgri napsrukbagipa sak 8 Bangladeshi-rangko watatpilata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
